Como norma xeral irá en maiúscula a primeira letra da primeira palabra de cada elemento. Tamén a dos títulos reais.
Torrente Ballester, Gonzalo
Leonor, de Aquitania, Raíña consorte de Enrique II, Rei de Inglaterra
No caso dos títulos nobiliarios empregaranse maiúsculas ou minúsculas segundo as normas da lingua orixinal na que o título foi conferido.
Alba, Cayetana Stuart y Silva, Duquesa de [en español]
pero
Abrantès, Laure Junot, duchesse d’ [en francés]
Rexistrar os números tal como aparezan na fonte de información. Usar para nomes de reis, papas, etc. que inclúen numeración romana
Pío VI, Papa
- Acentos e signos diacríticos.
Os nomes acentuaranse correctamente, tal e como establezan as normas ortográficas de cada lingua, incluídas as maiúsculas. Agregar aínda que non figuren na fonte de información.
Álvarez Blanco, Xosé Luís
Lévi, Éliphas
Conservar os guións entre os nomes de pila se son utilizados pola persoa
Ekengren, Ann-Marie
Ramos, Juan-Luis
- Espazado de iniciais e siglas
Se o nome consiste total ou parcialmente en iniciais ou letras separadas, deixar espazo entre as iniciais ou letras independentemente de que estean seguidas de punto ou non.
Rowling, J. K.
Franco G. S., José Fernando
A. A. M.
Pero, as iniciais que non representan nomes de persoas, como é o caso das siglas das ordes relixiosas asociadas a un nome, non deben separarse con espazos.
Chacón, Enrique, Padre, O.F.M.
