Manual Autoridades

O punto de acceso autorizado que representa a unha entidade corporativa recóllese no campo 110 ou 111 dun rexistro de autoridade. Ista será a forma empregada nos campos 11X, 61X ou 71X dos rexistros bibliográficos. Debe servir para identificar inequivocamente á entidade.

Para construír o punto de acceso autorizado dunha entidade corporativa utilizamos como base o nome preferido desa entidade.

Universidade de Santiago de Compostela

Asociación Cultural O Sacho

Nacións Unidas

Adicións ao nome preferido duna entidade corporativa

En principio as adicións a un nome de entidade son excepcionais e non se empregan se non son absolutamente necesarias para identificar claramente á entidade, por exemplo no caso de homonimias. De todos os xeitos, na BUSC, para establecer o nome preferido de entidades galegas faremos uso da adición de lugares asociados.

Cando son  necesarias estas adicións rexístranse entre parénteses e consisten normalmente na designación do tipo de entidade ou dun lugar asociado. Entre as máis habituais temos as seguintes adicións:

• Tipo de entidade corporativa: no caso de entidades cuxo nome non comporta a idea dunha entidade corporativa ou poden confundirse con nomes de persoas, etc.  engadir entre parénteses unha tipoloxía ou outra designación asociada coa entidade corporativa. A lingua destas adicións será o galego.

Prestige (Barco)

Zara (Firma)

Viravolta Títeres (Grupo teatral)

• Data ou datas asociadas coa entidade: engadir unha data asociada para distinguir entre puntos de acceso cando non é posible dar nin unha institución nin un lugar asociados

Double Image (Grupo musical : 1989- )

Double Image (Grupo musical : 1997- )

• Tipo de xurisdición: en caso de ter que distinguir unha entidade doutra, agregar entre parénteses a xurisdición.

Aragón (Reino)

Nova York (Estado)

• Número, data e localización dun congreso, evento, etc.: se a entidade corporativa é un congreso, exposición, ou calquera outra entidade de carácter temporal, o número (se aplicable), a data e o lugar deben formar parte do punto de acceso autorizado.

Na BUSC, como norma xeral só imos crear rexistros de autoridade para entidades 111 recollidas no RVM e que habitualmente son empregadas como encabezamentos de materia nos rexistros bibliográficos.

Santa Liga, 1511-1514

Concilio de Trento (1545-1560. Trento, Italia)

• Lugar asociado coa entidade corporativa:

Todas as entidades galegas en forma directa que non inclúan a localidade como parte integrante do seu nome irán acompañadas do nome dun lugar asociado aínda que esta indicación non sexa necesaria para distinguilas de outras.

Museo do Castro de Viladonga (Castro de Rei, Galicia)

Igrexa de San Domingos de Bonaval (Santiago de Compostela, Galicia)

Hospital Comarcal Virxe da Xunqueira (Cee, Galicia) ​

Igrexa de Santiago (A Coruña, Galicia)

Igrexa de Santiago (Betanzos, Galicia)

Asociación Amigos da Dorna (Portonovo, Galicia)

Arquivo Fotográfico Pacheco (Vigo, Galicia)

Real Sociedad de Amigos del País (Santiago de Compostela, Galicia)

Ademais de nas entidades galegas en forma directa, engadiremos un lugar asociado fundamentalmente en situacións como as seguintes:

• entidades que teñen o mesmo nome ou nomes tan similares que se poden confundir. Agregar entre parénteses o nome dun lugar asociado para distinguilas

Sociedad Nacional de Agricultura (Chile)

Sociedad Nacional de Agricultura (Perú)

• entidades que inclúen na súa denominación termos que indican demarcación ou xurisdición de calquera tipo: estatal, provincial, etc. Agregar o termo xeográfico xurisdicional respectivo

Instituto de la Mujer (España)

Biblioteca nazionale (Nápoles, Italia)

Institut d'Estudis Autònomics (Cataluña, España)

• para distinguir entre lugares da mesma xurisdición maior co mesmo nome rexistrar o nome dun lugar intermedio entre a localidade e o lugar ou xurisdición maior

Asociación de Pandereteiras (Paderne, A Coruña, Galicia)

Asociación de Pandereteiras (Paderne, Ourense, Galicia)

• ​​se o nome preferido dunha igrexa local, templo, mezquita, etc., non indica claramente o lugar no que está situada, agregar o nome do lugar ou da xurisdicción eclesiástica local (en galego sempre que exista un nome establecido)​.

Cathedral of St. Mary the Crowned (Xibraltar)​

Iglesia de Santiago el Real (Calahorra, España)

Basílica de San Francisco (La Paz, Bolivia)

pero 

Catedral de Santiago de Compostela

Catedral de Burgos

• cando unha entidade subordinada teña unha sede distinta da entidade principal, construirase a entidade principal segundo o sinalado anteriormente, e a sede da subordinada engadirase entre parénteses a continuación do seu nome no subcampo  $b.

$a Instituto de la Mujer (España). $b Delegación Provincial (A Coruña, Galicia)

$a RENFE. $b U.N. Rexionais (Galicia)

Instrucións para o rexistro do nome de lugar: é necesario rexistrar como parte dun lugar a xurisdición ou lugar maior ao que pertence.

En xeral, a estrutura será: (Localidade, País)

Ossevartorio geofisico (Trieste, Italia)

Société académique (Neuchâtel, Suíza)

RDA contempla excepcións para lugares en Australia, Canadá, Malaisia, Estados Unidos, a URSS e a anterior Iugoslavia. A maiores, na BUSC estableceremos como lugar maior Galicia no caso das entidades galegas, pero para entidades do resto do territorio español empregaremos como lugar maior España.

Asociación de Amigos de Palestina (Salamanca, España)

Ermita de San Antonio de la Florida (Madrid, España)

 

Para máis exemplos ver Manual de RDA - Entidade Corporativa, Construción do punto de acceso autorizado