ACHEGAS ORDINARIAS
Considéranse ordinarias:
- Aportacións de libros, capítulos de libros.
- Artigos publicados en revistas científicas de calidade contrastada ou indexadas en bases de datos bibliográficas de recoñecido prestixio, así como en plataformas de publicación de resultados de investigación como Open Research Europe. Admítense artigos aceptados e publicados nos novos sistemas coñecidos como publicación contínua (forthcoming, online first, ahead of print, in press, etc.) , sempre que dispoñan de identificador persistente: DOI, Handle, ARK, SWHID ou, en xeral, unha URI/URL única permanente.
- Patentes ou modelos de utilidade de importancia económica demostrable.
ACHEGAS EXTRAORDINARIAS
Como achegas extraordinarias poderán presentarse:
- Informes, traballos técnicos ou artísticos, exposicións, escavacións arqueolóxicas ou achegas a congresos.
- Conxuntos de datos, metodoloxías, programas de computadora ou os modelos de aprendizaxe automática…
Respecto ás prepublicacións admítense achegas dispoñibles en liña, aceptadas e publicadas, incluso nos novos sistemas coñecidos como publicación contínua (forthcoming, in press...) coa obrigatoridade de presentar o identificador persistente (DOI, Handle...) ou unha URI/URL única persistente.
ACHEGAS SUBSTITUTORIAS
A persoa solicitante poderá incluír ata 2 achegas substitutorias debidamente referenciadas e identificadas como tales, que poidan substituír a outras tantas das presentadas en primeiro termo, e que o órgano avaliador poida considerar de calidade suficiente para alcanzar a puntuación mínima requirida.
Estas achegas deberán corresponder ao mesmo tramo de investigación elixido para conformar o sexenio.
Teña en conta que o aplicativo informático da ANECA só permite 4.000 caracteres para a descrición destas dúas achegas, polo que deberá resumir brevemente a bibliometría narrativa e indicios de calidade máis destacados.
