Deberán presentarse 5 achegas principais, que poderán acompañarse de ata 2 achegas substitutorias seleccionadas pola persoa solicitante.
**Excepcionalmente, o número de achegas poderá ser inferior se os traballos teñen unha relevancia extraordinaria e tiveron un alto impacto científico ou social.
Tamén nos casos nos que no período sometido a avaliación a persoa solicitante xustifique debidamente as situacións de permiso de maternidade ou paternidade, excedencias polo coidado de fillas/os, polo coidado de familiares de primeiro grao dependentes que estén ao seu cargo, por razón de violencia de xénero, por razón de violencia terrorista ou baixas de longa duración por enfermidade.
A convocatoria de sexenios de 2024 amplía o tipo de achegas e de posibles medios de difusión que poidan xustificar unha actividade investigadora durante o período avaliado. (Ver Criterios de avaliación). Inclúense explícitamente os que no momento actual tamén poden xustificar actividade investigadora: conxuntos de datos, as metodoloxías, os programas de ordenador ou os modelos de aprendizaxe automática.
