1. Deberanse presentar 5 achegas principais, que ademais poderán acompañarse de 2 achegas máis substitutivas. Ditas achegas serán seleccionadas pola persoa solicitante.
De forma excepcional poderá reducirse o número de achegas no caso de que sexan traballos que teñan unha relevancia extraordinaria e tiveran un alto impacto científico e social, ou ben a persoa solicitante, no período sometido a evaluación, xustificara debidamente situacións excepcionais (permisos de maternidade, paternidade, excedencias, etc. - Consultar convocatoria na páx. 174934).
As achegas que se presenten a un sexenio de investigación non poderán presentarse a unha posterior convocatoria de sexenios de transferencia.
2. Só se valorarán as achegas que contribúan ao progreso do coñecemento e presenten impacto científico e social.
No proceso de avaliación aplicaranse métodos cualitativos e indicadores cuantitativos. Neste senso teranse en conta os "indicios de relevancia e impacto" de cada achega. Neste apartado da solicitude terase que defender o impacto científico da contribución (citas recibidas -excluíndo as autocitas-, proxección nacional e internacional, financiación, premios, etc.). Na narrativa achegada farase un uso responsable de indicadores cuantitativos (indicadores bibliométricos normalizados, entre outros).
3. En todos os campos valoraranse positivamente os resultados de investigacións multidisciplinares e interdisciplinares.
4. Promoverase a investigación nas linguas oficiais dos territorios, por este motivo as achegas en español e outras linguas cooficiais non poderán considerarse un demérito.
5. Requerirase o depósito dos resultados da investigación que se vaian someter a avaliación en repositorios institucionais, temáticos ou xeneralistas de acceso aberto, incluíndo un identificador persistente (DOI, Handle, URI/URL única permanente, etc.).
As persoas solicitantes deberán achegar evidencia de ter depositado unha copia da versión final da contribución aceptada para publicación nun repositorio da súa institución ou nun repositorio temático ou xeneralista de acceso aberto. O depósito poderá facerse en acceso aberto, acceso restrinxido, embargado ou con acceso só aos metadatos, respetando a xestión dos dereitos de autoría.
|
Recomendamos que o depósito se realice no repositorio institucional da USC, MINERVA, que ademais de dar visibilidade á produción científica da universidade, ten a vantaxe de que a biblioteca do seu centro ofrece o soporte necesario para subir os documentos.
(Ver O repositorio da USC: Minerva).
|
Os conxuntos de datos que se sometan a avaliación deberán cumprir cos principios FAIR (doados de atopar, accesibles, interoperables e reutilizables) e, sempre que sexa posible, serán difundidos en acceso aberto en repositorios.
No caso de programas de ordenador valoraranse as contribucións relevantes a programas distribuídos como software libre (que cumpra coa Open Source Inicitative).
6. Para que unha achega sexa considerada a persoa solicitante debe ter participado activamente nos traballos desta, concretando a súa contribución específica nos casos de coautoría ou autoría múltiple. No caso de publicacións esta información deberá achegarse de acordo coa taxonomía CRediT ou ben, se a publicación non require esta acreditación ou se presenta outro tipo de achega, deberá incluírse na narrativa da solicitude, tomando como referencia esta taxonomía -recoméndase empregar o campo Resumo-. Tamén deberá declararse o uso da Intelixencia Artificial xenerativa, sempre que afecte ao contido orixinal da achega.
7. No caso das publicacións a indexación nun determinado repertorio bibliográfico ou base de datos pode servir como argumento complementario na defensa narrativa que se faga da achega, pero non por isto obter unha valoración positiva sen ter en conta a calidade intrínseca do contido.
8. Todas as achegas deberán estar publicadas ou rexistradas, tendo en conta a tipoloxía á que pertencen, nos anos nos que se someten a avaliación, xa sexa de forma definitiva ou, no caso das revistas científicas, aceptadas e publicadas en sistemas de publicación continua, presentando o identificador persistente da publicación. No caso de contribucións a programas de ordenador e modelos de aprendizaxe automático estas deberán ser durante os anos sometidos a avaliación.
9. A ANECA establecerá o baremo de aplicación no proceso de avaliación por parte de todos os comités asesores, que se fará público con antelación suficiente á apertura da convocatoria.
10. No apéndice da resolución (páx.174947 a 174952) inclúese unha táboa cunha lista de posibles métricas, fontes e dimensións para evidenciar o valor de cada achega.
