Valorarase a publicación, sempre que sexa posible, de forma aberta e transparente dos datos de investigación, metodoloxías e programas de computador, a través de infraestruturas especializadas ou repositorios que cumpran con estándares de metadatos e conservación a longo prazo, facilitando a súa replicabilidade, reproducibilidade, accesibilidade, reutilización e perdurabilidade, así como o escrutinio científico.
No caso dos resultados de investigación, é relevante que o depósito e/ou publicación en aberto se realice en infraestruturas e/ou repositorios agregados ou de confianza, que garantan o cumprimento de estándares internacionais (por exemplo, Zenodo, GitHub ou calquera dos repositorios presentes en RECOLECTA).
Para unha adecuada descrición é necesario especificar os repositorios ou infraestruturas onde se atopan depositadas as achegas, así como o seu identificador único persistente (por exemplo, DOI, Handle, ARK, SWHID ou, en xeral, unha URI/URL única permanente).
| Neste apartado poderanse utilizar evidencias das métricas de uso, lectura e reutilización, debidamente contextualizadas. Poden empregarse os propios repositorios e plataformas onde se recollen as achegas como fontes para extraer estas métricas. |
Recoméndase:
- ofrecer detalles sobre o nivel de cumprimento dos principios FAIR dos conxuntos de datos presentados (fáciles de atopar, accesibles, interoperables e reutilizables).
- mencionar, no seu caso, a reutilización efectiva destes produtos por outros proxectos ou equipos de investigación.
- consignar a data de inclusión da contribución nos respectivos repositorios ou infraestruturas para fomentar o rastrexo cronolóxico da súa difusión.
