Manual Alma - Adquisicións

Alma permite xestionar os distintos tipos de adquisicións da biblioteca, tanto de recursos físicos como electrónicos, e tanto se son adquisicións únicas, continuas ou permanentes. Dous dos elementos fundamentais no proceso de adquisición son os provedores e os fondos, que son os que conforman a infraestrutura de adquisicións e nos permite xestionar os fluxos de traballo necesarios para os distintos tipos de adquisicións.
Polo tanto, a xestión dos fluxos de traballo en Alma vén determinada polo tipo de liña de orde de compra, dependendo de se son ordes únicas ou continuas, ou materiais físicos ou electrónicos.
Os tres fluxos de traballo principais do proceso de adquisicións en Alma son: 

• Fluxo de traballo de compra: comprende a xestión dos pedidos desde o momento en que se crea unha liña de orde de compra (POL) ata o instante no que se realiza a recepción ou activación.
• Fluxo de traballo de recepción/activación: etapa de recepción que segundo o tipo de material que se comprou recibirase seguindo un fluxo de recepción (material físico) ou de activación (material electrónico)
• Fluxo de traballo de facturación: comprende a xestión das facturas desde o momento da súa creación ata o momento en que se pechan.

Para realizar todas estas operacións é necesario situarse en ALMA no Departamento de Adquisicións da túa biblioteca.