Manual Alma - Procesos

As regras de indicación úsanse para filtrar conxuntos en función de campos MARC 21. Estas regras non modifican os datos, serían o equivalente a facer “ficheiros de revisión” sobre etiquetas MARC. O resultado do proceso de filtrado é un novo conxunto que se crea para ser un subconxunto do conxunto orixinal, formado polos rexistros que cumpren co criterio da regra.
É importante lembrar que as regras de indicación utilízanse unicamente con rexistros bibliográficos MARC.

Pasos a seguir:

• Abrir o editor de MDE e situarse na lapela Reglas.
• Seleccionar Nuevo>>Indicación.

 

 

• Ábrese o cadro de diálogo Propiedades da regra.
• Nomear a regra e engadir unha breve descrición que axude a comprender o que a regra pretende facer.
• Indicar se a regra será privada ou compartida. Ter en conta que as regras privadas non poden ser empregadas na funcionalidade Filtrar conjuntos, pero é recomendable deixalas en privado ata comprobar que funcionan correctamente.
• Para facilitar a construción dunha nova regra, empregar a opción FORM (Formato) en lugar de DROOL. Desta forma aparecerá un formulario que, a modo de asistente, permite ir seleccionando os diferentes elementos que construirán a regra en lugar de ter que redactar a sintaxe.

• Teclear ou seleccionar na lista unha etiqueta de campo.

 

• Unha vez seleccionado o campo podemos elixir os indicadores e os subcampos desexados e premer HECHO.

• Seleccionar despois un operador: "Es igual a" "No son iguales", etc.
• Finalmente introducir un valor tecleando o texto.
• Ter en conta que se non se especifica ningún valor para un indicador/subcampo, isto aparece como "*" (asterisco) na condición e Alma o interpreta como "calquera valor". Para indicar un valor baleiro (non definido) nos indicadores (naqueles campos que o permiten), hai que teclear o valor "#". Cando se introduce texto no campo "valor", Alma non intenta validar ese texto. Isto permite elixir un valor non válido con fins de corrección de datos.

• Pódense engadir diferentes liñas e facer agrupacións xogando cos operadores booleanos "Y" ou "O".

Regras7

Neste exemplo o valor 9 do subcampo non está nas opcións do despregrable pero podemos engadilo manualmente.

 

• Para finalizar Guardar a regra creada.

Hai que ter en conta que na carpeta Comunidad existen regras que poden ser copiadas para crear unha regra propia.

Existe tamén a posibilidade de crear regras novas a través dunha sintaxe de programación específica ou Drool. A sintaxe básica desta lóxica , que debe ser expresada en inglés, responde ao patrón: WHEN [condición] → THEN [acción]. Estas son as cinco condicións que se poden
empregar na sintaxe:

- exists
- not exists
- existsControl
- not existsControl
- existsMoreThanOnce

 

 Add / Reorder  

Antes de empregar unha regra para filtrar conxuntos, é fundamental probar que funciona correctamente:

• Abrir un rexistro bibliográfico no MDE.
• Seleccionar o modo Editor dividido.
• Seleccionar a lapela Reglas no panel esquerdo e expandir a carpeta Indicación.
• Localizar a regra que se desexa probar. A regra abrirase na pantalla dividida ao lado do rexistro bibliográfico.

 

• Premer na frecha para executar a proba.

• A resposta: Verdadeiro ou Falso indica se o rexistro cumpre ou non coa lóxica da regra de indicación.

 

Despois de probar a regra, se funciona correctamente, hai que facela pública para que poida ser empregada como filtro. Facendo clic co botón dereito do rato sobre a regra en cuestión, premer en Propiedades e cambiar o parámetro Privado.

 

 

Esta funcionalidade, que permite crear conxuntos baseados en metadatos do rexistro bibliográfico, implica a utilización de Regras de indicación. É importante ter en conta que o filtrado só é posible para conxuntos orixinados por buscas a nivel de Título (Todos os títulos, Títulos físicos ou Títulos electrónicos). O resultado será un novo conxunto detallado.

Procedemento:
Dende Admin>>Gestionar Tareas y Conjuntos>>Gestionar conjuntos:

• Seleccionar un conxunto creado.
• Seleccionar Filtrar conjunto na lista do menú accións de fila (botón dos tres puntiños).

 

• Na xanela Filtrar conjunto seleccionar a regra de indicación (Para que a regra de indicación apareza na lista, debe de ser Pública, as regras privadas non están dispoñibles para filtrar conxuntos).
• Introducir un novo nome para o conxunto ou empregar o que se crea automaticamente e seleccionar Filtro.

• A tarefa Filtrar conjunto por indicación será executada. O proceso de filtrado examina todos os rexistros do conxunto principal e aplica as regras de indicación especificadas. Quedarán excluídos do novo conxunto aqueles rexistros que non cumpran a condición das normas de indicación. Cando se completa a tarefa, o sistema envía un correo electrónico ao usuario que iniciou a solicitude.
• Unha vez finalizada a tarefa, refrescando a páxina, veremos o novo conxunto cos datos filtrados.

• Para ver os resultados, premer no botón Contenido.

• Para poder corrixir comodamente os rexistros dende o MDE, sempre que o conxunto non supere os 200 rexistros, é posible pasalos ao editor coa opción Catalogar conjunto que aparece na lista do botón de accións de fila

• Os rexistros pasan ao MDE como SETS.

• Logo de editar ou revisar todos os rexistros podemos liberar todo o conxunto de vez.