Panel de Edición

Cando un rexistro está aberto, a banda azul claro na parte superior do panel de navegación amosa a seguinte información:

o título e a mención de responsabilidade do rexistro aberto no editor
o ID MMS do rexistro
a icona correspondente á Zona da Institución ou da Comunidade
o tipo de formato bibliográfico (MARC21)
o nivel de catalogación (tipo de Nivel breve) do rexistro
o rango bibliográfico do rexistro: Alma aplica a cada bibliográfico un algoritmo que, en función da integridade e completeza dos campos MARC21, asigna unha puntuación ou clasificación bibliográfica
a icona que indica que existe algunha nota
o estado do rexistro: novo, borrador, pasado, asignado...

Outras iconas

Gardado automático: prodúcese cada 30 segundos despois de realizar un cambio. Isto axuda a evitar que se perdan modificacións se navegamos fóra do MDE antes de gardar un rexistro. A hora da última vez en que se gardou un rexistro aparece pasando o cursor sobre a icona.

Historia do rexistro: proporciona información sobre a data e hora de creación e modificación dun rexistro e sobre a identidade do operador.

Pechar o rexistro: fai desaparecer o rexistro do panel de edición, pero o rexistro permanecerá no panel esquerdo e, polo tanto, bloqueado.

Se un rexistro está bloqueado por outro usuario e non pode ser editado, a mensaxe "Ver sólo" aparece tamén na banda azul sobre o rexistro.

Na parte superior tamén atopamos a barra do menú con todas as funcionalidades aplicables a un rexistro bibliográfico:

1. Guardar (Ctrl+S).

2. Nuevo (Alt +5): desprega o padrón definido por defecto para poder crear un novo rexistro.

3. Acciones de registro (Alt+6): despregar para ver todas as posibles accións sobre o rexistro.

Liberar registro: elimina do panel esquerdo un rexistro gardado e permite que sexa editado por outro catalogador.
Recargar registro original: cando un rexistro non liberado que permanece no panel esquerdo sofre alguna modificación esta acción permite visualizar os cambios (facelo antes de gardar o rexistro).
Duplicar registro: no caso de duplicar un rexistro é importante eliminar no novo rexistro os campos 035 do rexistro de orixe (p. ex. provenientes de Millennium).
Derivar nuevo registro.
Validar: valida o rexistro en función do perfil de metadatos e amosa os erros de formato. No momento de gardar un rexistro tamén se fai a validación automaticamente.
Buscar coincidencias: identifica posibles rexistros coincidentes.
Añadir nota: permite engadir notas visibles para os catalogadores.
Asignar registro a otro catalogador: permite transferir a catalogación do rexistro a outra persoa (por exemplo cando atopamos un erro que debe ser comprobado noutro centro. O rexistro asignado permanece na listaxe de rexistros abertos cunha icona de notas debaixo.
Liberar asignación: anula a asignación dun rexistro.
Liberar registros de otro catalogador.
Suprimir de descubrimiento: o rexistro non será visible no catálogo.
Suprimir de la búsqueda externa: o rexistro non será recuperable para catálogos externos.
Borrar registro (co rol Catalogador extendido).

4. Acciones de edición (Alt+7): despregar o menú para ver todas as posibles accións de edición sobre campos e subcampos.

Añadir campo (F8): engade unha nova liña baleira (o $$a asígnase automaticamente).
Añadir subcampo (F9): engade un subcampo (o símbolo $$ asígnase automaticamente).
Eliminar campo (Ctrl+F6). Para suprimir varios campos manter pulsada a tecla CTRL e facer clic consecutivamente sobre os campos a eliminar.
Abrir editor de formulario (Ctrl+F): abre o formulario de datos para o Leader e os campos de control 006, 007, 008. Para pechar o formulario basta con premer ESC, gardar o rexistro ou premer en calquera outro campo.
Información sobre o campo: dá acceso á información sobre etiquetas Marc 21 na páxina da Library of Congress. No caso da etiqueta 999 a información sobre o seu uso é local.
Cortar campo (Ctrl+Mayusc+X)/Copiar (Ctrl+Mayusc+C)/Pegar campo (Ctrl+Mayusc+V). Para seleccionar varios campos (consecutivos ou non) premer Ctrl + clic co botón esquerdo do rato.
Mejorar el registro: posibilidade de mellorar o rexistro a partir de determinados procesos establecidos polas regras de normalización.
Expandir desde plantilla: permite completar o rexistro cos datos predeterminados no padrón seleccionado.

5. Añadir inventario (Alt+8): permite engadir existencias de forma manual tanto de recursos físicos como electrónicos (portafolios).

6. Ver datos relacionados (Alt+9): este menú permite acceder a diferentes elementos relacionados co bibliográfico.

A opción "Mostrar versiones" permite recuperar versións precedentes do rexistro. En caso necesario é posible restaurar unha versión precedente.

7. Ordenar (Ctrl+Alt+O): permite crear unha liña de pedido dende o bibliográfico.

8. Buscar y navegar (Alt+10): este menú está dispoñible en todo momento. Permite navegar por sinatura, por encabezamentos bibliográficos e buscar en recursos externos.