O editor de metadados está sempre activo e a súa área de edición é a zona onde visualizar e catalogar rexistros.
Opcións para abrir o editor:
a) Premer a icona Mostrar MDE que aparece de forma permanente na parte inferior esquerda da barra de navegación da pantalla principal de Alma. Basta con premer nela (ou ALT+M) para acceder ou saír do editor en calquera momento.
b) Seleccionar Recursos >> Catalogación >> Editor de metadatos no menú principal de Alma.
c) Premer o botón Editar dende os resultados dunha busca. O rexistro seleccionado pasa a ser editable.
Código de cores no MDE: a cor de subliñado das distintas pestanas do editor indican o seguinte:
Azul escuro: os rexistros amosados nese momento no panel de navegación pertencen á categoría (registros, Marc21, plantillas, etc.) destacada nesta cor.
Azul claro: corresponde ao rexistro que se está a editar nese momento.
Gris: cando traballamos co editor dividido corresponde ao rexistro que está no panel de edición pero permanece inactivo, aquel no que non se está a traballar.
Dende o editor podemos catalogar rexistros bibliográficos, de existencias, de autoridade e tamén crear padróns.
Na área de traballo do MDE podemos distinguir dúas zonas principais: o panel de navegación na esquerda da pantalla e o panel de edición na dereita.
A aparencia do editor non é personalizable, só os campos Marc se visualizan, pero o nome da etiqueta aparece pasando o rato por riba de cada campo.
