Coa aprobación da Resolución Reitoral que posibilita o recoñecemento dos créditos ECTS, abriuse a posibilidade de matrícula nos cursos CI a todo o alumnado de grao, tanto no nivel básico coma no avanzado.
A aplicación actual de matrícula (Xescampus) non permite a discriminación automática entre o alumnado de distintos cursos, nin de distintas titulacións, polo que, desde a Biblioteca vémonos na necesidade de identificar ao noso alumnado, primeiro pola titulación e, dentro desta, por curso, diferenciando ao alumnado de 1º (nivel básico) e 4º (nivel avanzado) do alumnado do resto de cursos.
Existen 2 opcións, a elixir por cada biblioteca segundo máis lle conveña, tendo en conta os pros en contras de cada opción:
| PROS | CONTRAS | |
|---|---|---|
| OPCIÓN 1_BuscarX Excel |
|
|
| OPCIÓN 2_Grupos Moodle |
|
|
OPCIÓN 1: Traballar coa fórmula BUSCARX de Excel.
Para isto, cómpre que cada biblioteca solicite á unidade de xestión académica (UXA) do/s centro/s ao/s que da servizo, a listaxe de alumnado matriculado nos Graos que se imparten nese/s centro/s. Esta listaxe deberá consistir nun Excel desagregado por curso (de 1º a 4º ou 6º) e conter, como mínimo, o Nome e Apelidos, e correo-e institucional de cada estudante.
Desde este Excel elaboraremos unha listaxe cos datos completos da titulación. Precisamos unha relación (nunha soa pestana) que conteña todo o alumnado de cada Grao, coa indicación do Nome e Apelidos, correo-e institucional, curso e Grao:
Finalizada a formación CI rescataremos este Excel para cruzalo co das cualificacións, que descargaremos desde a/s Aula/s de Moodle seguindo as pautas do apartado 3.
Este procedemento fai innecesaria a actividade de Escolla de grupo que viñamos empregando en anos anteriores, evitando, ademais, os erros cometidos polo alumnado ao facer a escolla.
OPCIÓN 2: Crear grupos dentro das nosas aulas.
A creación de grupos para que o alumnado faga a escolla do seu curso e titulación ten nunha triple finalidade:
Neste sentido, a creación de grupos é opcional para as 2 primeiras finalidades, pero desde o curso 2023/2024 tórnase obrigatoria de cara á recollida de datos estatísticos de forma automatizada.
|
É recomendable facer unha descarga das cualificacións cando falte unha semana para o remate do curso, xa que facilita poder detectar persoas con algún exercicio sen facer e avisarlles pola mensaxería, tendo en conta que os exercicios que estean sen corrixir por parte dos titores aparece cun guión nas cualificacións, pero o alumno/a entregou a tarefa! Desta forma evitaremos ter que suspender a algunha persoa que deixou un exercicio ou dous sen facer. |
Para isto, descargaremos un ficheiro coas cualificacións de Todos os participantes e lle aplicaremos un formatado condicional, seguindo as pautas do apartado 3. Preparar as listaxes do alumnado apto.
As aulas compartidas por varios centros poden repartir este traballo descargando os ficheiros por grupos (titulacións) en lugar de facelo para todos os participantes. Desta forma, cada biblioteca pode revisar as cualificacións do alumnado "propio" e requirirlles as entregas ou correccións que estimen necesarias.
CUALIFICACIÓNS POR GRUPOS
Se queremos extraer as cualificación por titulacións, ou mesmo por curso dentro de cada titulación, teremos que facelo por grupos separados. Para iso:
Para todas e cada unha das actividades, incluídas as Enquisas, e exceptuando o Glosario, temos que configurar os grupos como separados. Para iso imos aos Axustes / Configuración común do módulo / Modo de grupo / Grupos sepadados.
Feito isto, desde o menú de Cualificacións da aula, no despregabre Informe do cualificador / Máis escollemos Exportar. Das opcións de exportación escollemos Folla de cálculo Excel, e nas opcións para Grupos separados escollemos o grupo para o que desexamos exportar as cualificacións (se fora máis de un haberá que repetir o proceso tantas veces como grupos teñamos na aula).
|
O ficheiro do grupo Todos os participantes, reservarémolo como “copia de seguridade”, coa finalidade de salvagardar os datos globais e extraer a listaxe de persoas aptas no curso. Este ficheiro non debemos modificalo, senón traballar con tantas copias del como sexa necesario, conservando sempre a orixinal. Recoméndase crear unha cerpeta na intranet da biblioteca para almacenaar e preservar estes ficheiros. |
CUALIFICACIÓNS POR ACTIVIDADES
Cando interese descargar os resultados dalgunha actividade haberá que entrar en cada unha delas e exportar os resultados nun Excel.
Para as enquisas, a opción de exportación atoparémola na pestana Análise.
Entrando na actividade, no menú inferior, baixo as respostas do alumnado, aparece a opción Descargar en formato Excel.
Desde cada cuestionario, no menú Respostas atoparemos a posibilidade de descargar:
Os resultados das actividades de tipo tarefa non os descargaremos, xa que só nos interesa a cualificación global, e este dato pódese extraer das cualificacións por grupos, no momento da recollida das estatísticas.
| No apartado de Recollida de datos estatísticos / Videtitoriais móstrase o paso a paso para extraer estes datos. |
|
Traballaremos co Excel do grupo “Todos los participantes”. Recoméndase facer unha copia para manter a orixinal intacta, cos datos brutos extraídos de Moodle (a modo de copia de seguridade), xa que, como sabemos, o acceso ás nosas aulas non é perpetuo. Esta listaxe é de TODO o alumnado da aula, sen discriminar por titulacións nin por cursos. |
Descargado o ficheiro identificarémolo co nome “Nivel básico/avanzado 2324_Cualificacións TOTAIS”, e darémoslle o seguinte tratamento:
1) Trasladaremos a columna dos apelidos á 1ª posición. Para iso, cortaremos a columna B e a inseriremos (botón dereito, inserir celas cortadas) diante da 1ª columna. Así visualizaremos os apelidos como 1º dato, para maior comodidade. Tamén eliminaremos a última columna, xa que non aporta información relevante. No seu lugar nomearemos esa columna como APTITUDE, e reservarémola para consignar o dato APTA/O ou NON APTA/O.
Cómpre crear un despregabre do que seleccionar a opción de aptitude, xa que haina que escribir sempre da mesma maneira para que Excel poida facer automaticamente o reconto estatístico. Para iso, seleccionamos a columna e prememos en Validación de datos (menú de ferramentas) e, na opción Lista, escribimos as dúas alternativas separadas por unha coma "Apta/o, Non apta/o". (** Algunhas versións de Excel empregan punto e coma ";" e lugar da coma ",").
2) Seleccionaremos as columnas correspondentes as actividades requiridas para o apto no curso: busca de información e citas, e a correspondente á nota final do curso, e lle aplicaremos un Formato condicional, resaltando as celas cun valor inferior a 50. Isto axudaranos a detectar ao alumnado que non superou estas tarefas (Non apto).
Seguindo as pautas que vemos na imaxe -exemplo de formato condicional-, a táboa presentará esta aparencia, destacando en vermello os exercicios suspensos:
3) Seleccionaremos agora toda a táboa e aplicaremos o mesmo formato, pero desta vez para as celas con valor igual ao guión “-“, para que destaque as actividades que o alumnado non realizou. Isto axudaranos a detectar ao resto do alumnado Non apto (sen actividade e abandonos) dunha ollada.
Pode ser útil aplicar o formato condicional á columna "Apto/Non apto" para destacar aos "Non aptos" se nos interesa identificar a este gruop de alumnado.
4) Unha vez feito este tratamento, procederemos a asignar as cualificacións de aptitude, tal como describimos no paso 1. Esta listaxe serviranos de base para cubrir as actas cando se abra o prazo desde Xestión Académica. (Ver apartado Actas oficiais). Trasladeremos como persoas aptas a aquelas que teñan nesta columna a consideración de Apto/a.
Tamén nos servirá para calcular automaticamente o nº persoas aptas e non aptas por Grao e curso, de cara a recoller os datos estatísticos (Ver apartado 3. Extraer datos coas fórmulas BUSCARX e CONTAR.SI.CONXUNTO de Excel).
ALUMNADO QUE CONVALIDA O CURSO
Danse casos de estudantes que xa fixeron o curso CI o ano anterior porque estudaban unha titulación na USC e este ano cambian de titulación, de novo na USC. Nos casos nos que estea xustificado convalidarlles o curso para obter un novo crédito ECTS, a BUSC facilita a tarefa pedindo a este alumnado que unicamente suba o diploma obtido a unha das tarefas da aula, sen ter que realizar de novo todas as actividades.
Este alumnado semellará "Non apto" nas nosas listaxes, porque só aparece cualificado na tarefa na que entrega o diploma. Debemos diferenciar ben a este alumnado e telo identificado, para asignarlle correctamente a cualificación global de "Apto".
A listaxe que preparamos no punto anterior é válida para enviarlla ao profesorado nos centros nos que se dispoña dunha aula CI por cada titulación e para os centros onde só se imparte unha titulación. Abondaría con facer unha copia do Excel no que mostraremos as columnas Apelido, Nome, Nota media e Aptitude, descartando o resto de columnas, xa que non son relevantes para o profesorado e cómpre ser coidadosos coa protección de datos de carácter persoal.
| Na medida do posible, debemos evitar enviar a un profesor os datos dun estudante ao que non imparte docencia. |
Porén, non é unha listaxe válida para aqueles centros onde se emprega unha soa aula para máis dunha titulación, xa que ese Excel contén os datos persoais de todo o noso alumnado, e non debemos entregar ao profesorado datos de alumnos/as doutras titulacións.
Estes centros deberán escoller unha das opción previstas no apartado 2 Identificación do alumnado por titulación e curso. Os pasos, segundo a opción escollida, serán os seguintes:
Descargamos as cualificacións por grupos (por titulación e/ou por curso) e preparamos cada ficheiro Excel para que mostre Apelido, Nome, Nota media e Aptitude. Este novo Excel deberá recibir o mesmo tratamento do apartado 3. Preparar a listaxe de alumnado apto, xa que hai que revisar as cualificacións para asignar de novo o grao de aptitude a cada estudante -ou ben, podemos extraer a cualificación automaticamente mediante a fórmula BUSCARX.
| Aplicando a fórmula BUSCARX ao ficheiro de cualificacións do Total de participantes para saber de que Grao e curso é cada estudante, este mesmo ficheiro serviría para o profesorado, aplicando os filtros adecuados. |
1. FÓRMULA BUSCARX
Esta fórmula utilízase para buscar unha coincidencia nun rango de celas (ou matriz), e obter o elemento que lle pidamos dun segundo rango. A súa estrutura é a seguinte:
Para ver como funciona imos poñer como exemplo que queremos extraer os datos de TITULACIÓN e CURSO desde o Excel que preparamos cos datos que nos envía a UXA, ao libro “Cualificacións 23_24_BÁSICO_1ED”, no que temos a cualificación media e a aptitude do alumnado de ADE e Economía, incluídos na nosa aula ADECO BÁSICO 1 ED (listaxe de aptos).
No libro de cualificacións teremos xa integrada a lapela da UXA_2023_24 e creadas as columnas para Curso e Grao, tal como se explicou no apartado 1 IDENTIFICACIÓN DO ALUMNADO POR TITULACIÓN E CURSO, Opción 1) Traballar coa fórmula BUSCARX de Excel.
Para extraer o curso introducimos a fórmula =BUSCARX() na primeira cela da columna correspondente, coa seguinte estrutura:
=BUSCARX(C2;'UXA 2023_24 '!A:A;'UXA 2023_24 '!E:E; "NULL";0)
Na que:
A coincidencia debe ser exacta, por iso empregamos como valor buscado o DNI, que identifica á persoa de forma unívoca. Se os DNI da cela e da matriz son exactamente iguais, devolverá o dato que lle pedimos –curso ou grao-, se non coinciden exactamente devolverá o valor NULL (aínda que podemos pedirlle que devolva outro texto).
Unha vez introducida a fórmula, arrastrarémola para copiala en todas as celas da columna , para o cal, situados na primeira cela, premeremos o cadradiño verde da esquina inferior dereita e arrastraremos ata a última cela, sen soltar o cursor (ou picaremos nel 2 veces e se autocopiará ata a última fila que conteña datos).
Podemos aproveitala tamén para obter o dato TITULACIÓN na columna seguinte (arrastramos á dereita), coidando que tome o dato correspondente da lapela UXA 2023_24 (columna F:F, en lugar da columna E:E, no noso exemplo para a matriz devolta).
2) FÓRMULA CONTAR.SI.CONJUNTO
Esta fórmula utilízase para contar o número de celas que cumpren cun conxunto de condicións ou criterios. A súa estrutura é a seguinte:
Esta fórmula axudaranos a que Excel conte por nós o número alumnado de cada titulación e, dentro dela, de cada curso. Tamén o alumnado apto, ECTS, suspenso... por titulación e curso.
Empregaremos como exemplo o cálculo do alumnado apto de 1º ADE, para ver a estrutura da fórmula, comprendela e adaptala segundo o dato que necesitemos calcular en cada momento.
Imaxinemos que no Excel das cualificacións teño o dato de aptitude na columna R e o dato de Curso na columna S:
Na columna V (desde a cela V3 ata a V7) teño os posibles resultados da columna Aptitude, que introducirei exactamente coa mesma sintaxe utilizada na columna R, empregando unha lista de validación de datos, que me impida escribilos de forma errada (ver Apartado 2 CUALIFICACIÓNS. Preparar a listaxe de alumnado apto):
Nas filas W ata AE teño as Titulacións e os cursos nos que se artellan, de 1º a 4º:
Para calcular cantos aptos hai de 1º ADE, a fórmula sería:
=CONTAR.SI.CONJUNTO($R:$R;$V3;$S:$S;W$2)
Na que:
LEMBRA!! A cadea de caracteres debe ser coincidente, estar escrita exactamente igual, na cela na que introducimos o criterio e no rango de celas nos que vou buscar por ese criterio. (APTO/A para todos, e non Apto para uns, Apta para outros, etc.). En caso contrario a fórmula non dará resultados.
Unha vez identificado no Excel o alumnado que obtivo o apto no curso pasaremos a relacións destas persoas a un documento de Word, que deberá ter os seguintes elementos:
Elaborado o documento de Word pasarémolo a formato PDF para publicalo na aula a través do Foro de Novas (ver Mensaxes tipo do foro correspondente a cada nivel).
Desde FUBUSC / Coordinación pódese descargar este documento modelo e adaptalo ás necesidades de cada centro.
