Ir ao contido principal
Logo USC
Biblioteca Universitaria
Logo reBUSCa

Manual de Formación en Competencias en Información da BUSC

Manual FUBUSC

As aulas repositorio e as réplicas

FINALIDADE

  • Cada ano académico a BUSC dispón no Campus Virtual da USC de dúas aulas repositorio ou matriz, unha para o nivel básico e outra para o nivel avanzado.
  • O obxectivo destas aulas é servir de estrutura común para os cursos CI e de repositorio para os contidos elaborados polos centros da BUSC que se consideren de interese e non poidan ser elaborados en LibGuides: libros de carácter interno, actividades (test, tarefas...)

**Debemos ter en conta que existe unha nova directriz pola que os contidos formativos da BUSC deben ser elaborados mediante LibGuides e postos a disposición do público xeral. Nas aulas CI debemos procurar aproveitar estes materiais e evitar a duplicidade de esforzos.

Non se trata, por tanto, dunha aula matriz ao uso, xa que a súa finalidade non é importar directamente (replicar) o seu contido completo nas aulas de cada centro, senón ofrecer un índice de contidos (estrutura) e un almacén de contidos do que importar os materiais, puidendo ser adaptados ás necesidades de cada centro en caso de ser necesario.

FASES DE TRABALLO (Poden variar levemente dun ano académico a outro)

1. Ao remate de cada curso académico, a coordinación do Grupo FUBUSC Contidos reparte os módulos e actividades a revisar entre os centros. Cada biblioteca deberá revisar os textos, o funcionamento correcto dos enlaces, e as tarefas do módulo que lle corresponda, a nivel básico, avanzado, ou ambos.

Cómpre revisar a configuración de todos os elementos, especialmente dos exercicios e dos axustes das cualificacións nas aulas repositorio, xa que os posibles erros que existan vanse replicar en todas as aulas que fagan a importación desde o repositorio. Se,ademais, necesitamos crear itinerarios por grupos de alumnado, é fundamental revisar o completado das actividades e o Estado de completado do curso.

2. Unha vez dispoñible o Campus Virtual (CV) do curso académico seguinte, a creación das Aulas (réplicas) de cada Biblioteca é automática -prodúcese no momento en que haxa unha primeira persoa matriculada nesa actividade formativa- (Ex. CI básico Farmacia, Matemáticas, etc.)

A matrícula dos titores que van levar a formación en CI en cada centro debe solicitarse ao CeTA. Para isto habilítase un Excel compartido no SharePoint de FUBUSC no que un responsable de cada biblioteca anotará o nome e correo-e de todas as persoas que titorizarán as actividades CI dese centro.

**Recoméndase solicitar tamén que se matricule alguén da biblioteca como estudante para que proben a aula, así como ao profesorado das materias que vinculan o curso CI na guía docente, se se da este caso.

Unha vez contamos con estas aulas, debemos seguir os pasos que se indican no apartado Réplicas (aulas das accións formativas).

FINALIDADE

Desenvolver as acción formativas CI desde os centros.

As aula dos cursos crearanse automaticamente no Campus Virtual (CV) no momento en que se matricule un/ha estudante, e estarán visibles para as persoas titoras cando o CeTA lles teña dado de alta como profesorado.

O estudantado a verá no seu propio CV cando se inicie o período de desenvolvemento do curso e as persoas titoras a fagan visible (Ver Tarefas de desenvolvemento / Apertura do curso).

 

FASES DE TRABALLO

Faise unha descrición xeral das fases a desenvolver, pero poden variar dun ano académico a outro, polo que sempre hai que consultar o manual do ano en curso.

  1. Importar os contidos:

    • Entrar na aula réplica e importar directamente os contidos da aula repositorio, adaptando -de ser o caso- aqueles que requiran de información específica ou propia do centro e das titulacións/áreas de coñecemento ás que a biblioteca da servizo. Ou ben, importar o curso propio da edición anterior, actualizando os contidos novos aloxados na Aula Repositorio.

Importar curso_moodle

  • Na pantalla seguinte aparecerá a posibilidade de seleccionar os elementos que queremos importar. Neste caso, como é a aula completa deixaremos o que ven marcado por defecto e premeremos en "Saltar ao último paso". Na seguinte pantalla prememos en "Facer a importación" e agardamos a que se realice a importación. No Campus Virtual ofrécese unha guía para importar contidos entre aulas virtuais coa nova versión de Moodle.
  • OLLO! Se en lugar de importar os contidos dunha aula completa, desexamos importar só unha parte do contido (un libro, unha tarefa...), en lugar de deixalo todo marcado por defecto deberemos seleccionar unicamente o módulo que conteña ese elemento que queremos importar e, dentro dese módulo, marcar o elemento concreto (ese libro, esa tarefa). Se non seleccionamos o "módulo nai" non poderemos seleccionar o elemento "fillo". Feito isto, debemos ir páxina a páxina premendo en "seguinte" e comprobando que só quedou seleccionado o contido que queremos importar.
    • Se o elemento a importar é un cuestionario, ademais de incluír as actividades e recursos nos axustes iniciais da importación, deberemos incluir tamén o banco de preguntas, xa que de non facelo unicamente importaremos o deseño do cuestionario (descrición, sincronización, cualificación...), pero non as preguntas que contén.
    • Non se poden importar datos dos participantes, nin dos resultados. Pódense importar grupos, pero non terán participantes.
    • Pódense importar os foros, pero non os temas de debate, que deberán ser creados de novo, nin as intervencións dos participantes.
  • Nas aulas repositorio haberá un documento -actualizado cada ano-no que se indiquen as modificacións a realizar nas aulas réplica. (Ver exemplo)

2. Crear os grupos que sexan necesarios para crear itinerarios formativos, xestionar as cualificacións por titulacións e extraer datos estatísticos. (Ver Creación de grupos e deseño de itinerarios). Crear tamén as actividades de "Escolla de grupo" necesarias.

3. Revisar as datas propostas desde a coordinación na Guía de traballo para o alumnado da aula repositorio para adaptalas ás datas de desenvolvemento dos cursos propios e programar as mensaxes no Foro de novas.

4. Revisar os parámetros de configuración:

  • Os exercicios: nº de intentos, temporización, barallar preguntas e/ou respostas, visualización dos resultados, etc.
  • Secuencia de actividades (planificación de que teñen que ter realizado antes de pasar a unha ou outra actividade, por exemplo, todos deben ter cuberto escollido o grupo para poder realizar o Test de Coñecementos Previos).
  • Foros: tipo (xeral, debate sinxelo, P e R), debates creados,...
  • Estado de completado do curso (activalo ou desactivalo).
  • Axustes das cualificacións: que aparezan ben ponderadas, ordenadas na secuencia correspondente, etc.