A creación de Grupos e Agrupamentos (grupos de grupos) en Moodle pode ter distintas utilidades:
CREAR GRUPOS
Esta ferramenta serve para clasificar aos participantes dun mesmo curso en distintos grupos segundo as nosas necesidades á hora de, por exemplo, enviarlles mensaxes por separado, ou para crear itinerarios distintos e recoller as estatísticas en función da titulación á que pertencen.
Se creamos un grupo co alumnado que anulou a matrícula no noso curso podemos restrinxir os Foros da nosa aula para que este grupo non teña acceso e, así, evitar que reciban as mensaxes que lanzamos ao resto de participantes.
Tamén podemos deseñar unha actividade para que só o alumnado dunha titulación teña acceso a ela, e impedir que aos doutras titulacións lles apareza entre as actividades a realizar.
PASO 2
PASO 3
PASO 4
CREAR AGRUPAMENTOS
Nalgúns casos pode ser interesante xuntar aos membros de dous ou máis grupos dentro dun máis grande, un agrupamento que os recolla a todos.
Isto ocorre, por exemplo, para os nosos exercicios relacionados coas normas de citación, aos que queremos dar acceso ao alumnado de distintas titulacións.
O alumnado de cada titulación está dentro do grupo correspondente a esa titulación. Por exemplo, ADE, Economía, Psicoloxía, Ciencia Política, etc. Pero nós queremos que ao exercicio que ten que ver con citar en etilo APA teña acceso o alumnado de todas estas titulacións.
Poderiamos dar acceso a esta actividade a cada un dos grupos, un por un. Ou ben, sendo máis eficientes, metelos todos nun Agrupamento, e dar acceso (unha soa vez) a este agrupamento.
Moodle ofrece esta actividade para que sexa o alumnado quen escolla o seu grupo de pertenza, evitando así que sexa o profesorado o que teña que introducir un a un aos membros de cada grupo.
Os pasos para configurala son os seguintes:
1. Engadir a actividade Elección de grupo (como paso previo teñen que estar creados os grupos)
2. Escoller un título (Nome do grupo de escolla) para esta actividade (Escolle a túa titulación, etc...). Pódense dar instrucións ao alumnado no campo Descrición e facer que sexan visibles desde a páxina principal da aula, antes de que fagan clic na escolla.
3. Seleccionar da caixa da esquerda (grupos dispoñibles) os grupos que se desexan poñer á disposición do alumnado para facer a escolla, e engadilos á caixa da dereita (grupos seleccionados). Desde esta mesma opción pódense retirar grupos dunha actividade de escolla.
4. Cómpre configurar o completado da actividade se desexamos asegurarnos de que o alumnado faga esta escolla. Así aparecerá como pendente no Estado de completado do curso e, en caso de estar vinculada a unha actividade posterior (por exemplo, o test final), esta non poderá realizarse ata que se complete a escolla .
| Pode ocorrer que algún/ha estudante erre ao escoller o seu grupo. Neste caso deberá avisar á biblioteca. A persoa titora eliminará esa elección e o/a alumno/a terá que facer de novo a escolla para que Moodle entenda a escolla como completada. |
QUE SON E PARA QUE SE USAN?
- Distintas necesidades segundo os grupos (dar acceso a distintos contidos segundo o grupo ao que se pertenza)
- Modo de grupo en cada actividade
- Vincular actividades (completado das actividades para acceder a outras) Enlazar cos apartados correspondentes do manual.
EXEMPLOS DE ITINERARIOS FORMATIVOS
Para comprender mellor a utilidade da creación de grupos para o deseño de distintos itinerarios formativos dentro dunha mesma aula, imos poñer o exemplo da aula de Ciencias Sociais e Xurídicas.
Esta aula estará integrada polo alumnado dos graos de Dereito, CC Política, ADE e Xornalismo, entre outros.
A nivel básico, os cursos conteñen un cuestionario acerca do estilo de citas empregado segundo a titulación. En Dereito este estilo ven determinado pola norma ISO, pero para o resto de titulacións serán as normas APA as que prevalezan.
A nivel avanzado, no Módulo 4 Buscar información ofrecemos un libro titulado PARTE 2: Buscar na web da BUSC en cuxo apartado 1.2 a) Bases de datos presentamos distintos recursos segundo a titulación de que se trate, xa que en Dereito, por exemplo, necesitan consultar unhas bases de datos distintas das que se necesitan en Xornalismo, e á inversa. Para cada titulación falararemos das bases de datos propias desa área de coñecemento.
QUE NECESITAMOS?
2. Que sexa o propio alumnado quen escolla o seu grupo, especialmente se temos unha soa aula cun nº elevado de alumnado.
Para isto temos que engadir na aula unha actividade de Escolla de grupo.
3. Agrupar aqueles grupos que compartan unha mesma necesidade (p. ex., graos que empregan un mesmo estilo de citas)
4. No nivel básico, replicaremos a actividade cuestionario para que ambos teñan as mesmas características en canto á descrición, límite de tempo, nº de intentos...
Unha vez replicada, hai que editar a proba e cambiar as preguntas da ISO polas da APA, borrando as primeiras e engadindo as segundas desde o Banco de preguntas.
**Na aula repositorio actualmente se ofrecen ambas actividades, polo que en caso de importar os contidos desta aula, basta con configurar o acceso de cada grupo segundo corresponda.
5. No nivel avanzado, replicaremos o libro que contén unha parte común e outra específica, tantas veces como contidos distintos necesitemos (se as 4 titulacións consultan bases de datos distintas, necesitaremos 4 copias deste libro). Nomearemos o libro de tal forma que nos permita distinguilo dos outros.
5. Creados os libros, restrinxiremos o acceso a cada un deles para que só o alumnado do grupo ou agrupamento que corresponda poida velo e acceder a él, facendo que permaneza agochado para o resto do alumnado.
Se recibimos queixas do alumnado que anulou a matrícula e segue recibindo as mensaxes dos Foros das nosas aulas configurados co modo de subscrición forzosa, ou do profesorado de Grao que quixo ter acceso ao curso pero non desexa recibir estas mensaxes, podemos solucionalo restrinxindo o acceso aos Foros para este grupo de persoas:
2. Engadir ás persoas membro dese grupo.
Para isto hai que seleccionar o grupo e premer en "Engadir/Retirar usuarios" (baixo a ventá da dereita). Aparecerán de novo dúas ventás. A da dereita contén aos membros potenciais (todos os participantes do curso), e baixo ela hai un botón para buscar ás persoas que nos interesan. Unha vez localizadas (polo apelido) as seleccionamos e prememos en "Engadir", para que pasen á ventá da esquerda, na que se visualizan os membros do grupo.
O profesorado de Grao terá correo @usc.es.
3. Ir aos axustes de cada Foro con suscrición forzosa e engadir unha restricción para este grupo, do tipo "O alumno non debe pertencer ao Grupo Restricción Foros".
**Recoméndase non aplicar esta restricción ao Foro de novas para o profesorado de Grao, xa que a maioría das veces é o único seguimento que fan do curso.
Móstranse como exemplo os grupos empregados no curso 2023/2024, pero estes grupos poden variar dun ano académico para o outro, polo que cómpre revisar sempre o Manual CI do ano en curso.
GRUPOS 2023/2024
Os grupos mínimos a crear en todas as aulas CI, de cara á recollida de datos estatísticos serán:
| Nivel básico | Nivel avanzado |
| Titulación1_1º curso | Titulación1_Ultimo curso ou TFG |
| Titulación1_Outros cursos | Titulación1_Outros cursos |
| Titulación2_1º curso | Titulación2_Ultimo curso ou TFG |
| Titulación2_Outros cursos | Titulación2_Outros cursos |
| Titulación3_1º curso | Titulación3_Ultimo curso ou TFG |
| Titulación3_Outros cursos | Titulación3_Outros cursos |
| Titulación4_1º curso | Titulación4_Ultimo curso ou TFG |
| Titulación4_Outros cursos | Titulación4_Outros cursos |
| etc. | etc. |
ESCOLLA DE GRUPO NO CURSO 2023/2024
| Nivel básico | Nivel avanzado |
| Se estudas 1º curso de Grao, escolle aquí a túa titulación |
Se estás matriculado en último curso do Grao ou no TFG, escolle aquí a túa titulación |
|
|
|
|
|
|
|
|
| Se estudas 2º curso ou superiores, escolle aquí a túa titulación |
Se non estás matriculado en último curso do Grao ou nin no TFG, escolle aquí a túa titulación |
|
|
|
|
|
|
|
|
Nas aulas dirixidas a unha ou dúas titulacións pode simplificarse a escolla cunha única actividade na que se ofrezan todas as opcións de escolla de grupo xuntas:
| Nivel básico | Nivel avanzado |
|
|
|
|
|
|
|
|
