De forma moi esquemática indicamos os pasos a seguir para cubrir as estatísticas:
- Entra en FUBUSC - Datos Globais > Estatísticas 2022-2023 ou Estatísticas 2023-2024.
- Preme na carpeta da biblioteca que che corresponde identificada co código da túa biblioteca.
- Preme no documento excel Datos Xerais
- Na 1ª LAPELA, cubre os apartados 1 e 2. Para cubrir o apartado 1, lembra solicitar os datos ao Decanato da túa Facultade. Para cubrir o apartado 2 terás que coller os datos do gráfico que sae en Moodle.
- Na 1ª LAPELA tamén che indica (apartado 3,4,5) que terás que exportar de Moodle os seguintes exercicios: test de coñecementos previos, test de avaliación final, enquisa inicial, enquisa final e as cualificacións (podes atopar na carpeta Videotitoriais axuda para realizar estas exportacións). Deberás gardar os ficheiros exportados na carpeta "Ficheiros descargados" dentro da carpeta da túa biblioteca.
- Na 2ª LAPELA deberás cubrir os indicadores de aprendizaxe, para isto, recomendamos ver o videotitorial correspondente a este apartado.
Calquera dúbida, non deixes de escribirnos ou poñerte en contacto por teléfono co persoal do grupo de estatísticas.
