Manual de Formación en Competencias en Información da BUSC

Este exercicio puntúa sobre 100, coa seguinte distribución:

• A imaxe mostra o rexistro de usuario/a en Iacobus: 90 puntos
• Pantalla onde non se aprecia o nome do alumno/a e o logo da USC: - 60 puntos
• Imaxes ben recortadas: 10 puntos
• Formato distinto do PDF ou mal nomeado: - 100 puntos

Se hai persoas que non poden facelo porque non están en Alma hai que indicarlles que contacten co CAU e unha vez o resolvan, fagan o exercicio con normalidade. Se hai que escribirlles unha mensaxe faise na sección de comentarios do exercicio (NON no de retroalimentación, porque iso cualificaríalle o exercicio) e envíase unha copia á mensaxería.

Se entrega unha imaxe que non se corresponde co rexistro de usuaria/o cualifícase cun cero e déixase unha mensaxe no recadro comentarios de retroalimentación para que o corrixa. Se o fai súbeselle a nota.

Se non está en PDF ou non segue as instrucións para nomear correctamente o ficheiro pónselle un cero e déixaselle unha mensaxe en comentarios de retroalimentación para que corrixa o formato de entrega. Se o fai súbeselle a nota.

EXEMPLOS DE MENSAXES

Bo día/Ola,

non podemos darche esta actividade (M1.B) por válida, xa que está mal nomeado o pdf que subiches. Tal como se especifica nas instrucións ten que se da seguinte forma:

Apelido1_Apelido2_Nome_1B

Corrixe a actividade e mándaa de novo antes do XXXXXX. Volveremos a cualificala.

Un saúdo

Bo día/Ola

non podemos corrixirche esta actividade (M1.B) ata que o CAU che dea acceso ao catálogo. Por favor contacta con este servizo o antes posible (cau@usc.es) e entrega a tarefa antes do XXXX.

Un saúdo

Nome do/a titor/a

O documento que suban ten que seguir a Guía de formato para entrega de tarefas (módulo 0)

• A tarefa terá que ser entregada en formato PDF
• Hai que nomear o arquivo sempre do seguinte xeito: Apelido1_Apelido2_Número da tarefa

Se entregan o arquivo mal nomeado ou nun formato distinto do PDF, restamos 10 puntos.

Deben copiar e pegar o ABSTRACT e o DOI dun dos artigos propostos. Se todo está ben cualificamos con 100. Se o DOI non é correcto cualificamos con 50, se o abstract non é correcto cualificamos con 50.

Se hai que corrixir (pedir que o entregue de novo) poñeremos a puntuación descontando o que corresponda segundo os criterios de corrección,  enviaremos unha mensaxe ao correo e deixaremos unha mensaxe no recadro comentarios de retroalimentación para que o corrixa. Se o fai súbeselle a nota.

EXEMPLOS DE MENSAXES

Iria, o DOI que enviaches non é o correcto pois non debe incluir ezbusc.usc..gal. Volve a envialo de novo antes do XXXX.

Julia, o texto que enviaches non se corresponde co abstract. Volve a envialo de novo antes do XXXX.

Aroa o abstract que enviaches non está no idioma orixinal (inglés). Lembra que se un artigo está escrito en inglés tes que citalo e referencialo co título nese idioma, inda que utilices algún tradutor automático para lelo.

O documento que suban ten que seguir a Guía de formato para entrega de tarefas (módulo 0)

• A tarefa terá que ser entregada en formato PDF
• Hai que nomear o arquivo sempre do seguinte xeito: Apelido1_Apelido2_Número da tarefa

Deben entregar a captura de pantalla do decreto que se pide (non das modificacións, etc.). Se todo está ben cualificamos con 100. Se a disposición lexislativa non é a que se pide cualificamos cun cero. Se o arquirvo é distinto do PDF ou está mal nomeado, calificamos con 40 puntos.

Se hai que corrixir (pedir que o entregue de novo) poñeremos a puntuación descontando o que corresponda segundo os criterios de corrección,  enviaremos unha mensaxe ao correo e deixaremos unha mensaxe no recadro comentarios de retroalimentación para que o corrixa, dando un prazo determinado. Se o fai súbeselle a nota.

EXEMPLOS DE MENSAXES

Síntoo Diego, pero o resultado que entregas no exercicio da busca en Aranzadi non é o que se pide no enunciado.

A túa entrega é unha modificación do Decreto que se pide (e tivo varias...)

Se queres subir a nota, podes facer unha nova entrega, antes do 14 de marzo.

Saúdos!

Ola, Marta, 

no módulo 04 o documento que envías non é o solicitado, tes que facer a captura do texto do decreto, accedendo a través do enlace.

Podes envialo de novo antes do 19-10-2023.

O documento que suban ten que seguir a Guía de formato para entrega de tarefas (módulo 0)

• A tarefa terá que ser entregada en formato PDF
• Ten que aparecer o nome da persoa na captura de pantalla entregada
• Hai que nomear o arquvio sempre do seguinte xeito: Apelido1_Apelido2_Número da tarefa

• Pregunta 3 (Seleccionar referencias): Titor1

Deben entregar unha captura de pantalla na que se visualicen os rexistros seleccionados en Dialnet e que a persoa está logueada. Se está todo ben cualificamos con 3 puntos. Se non recortan ben a pantalla, poñemos 2,9. Se non mandan o arquivo nomeado segundo as instrucións ou non está en PDF restamos 0,10. 

• Pregunta 4 (Gardar busca): Titor1

Deben entregar unha pantalla da sección “As miñas buscas” en Dialnet e demostrar que souberon crear a alerta. Tamén se pondera con 3 puntos. Se non recortan ben a pantalla, poñemos 2,9. Se non mandan o arquivo nomeado segundo as instrucións ou non entregan en PDF restamos 0,10. Se non se ve o nome da persoa hai que requirirlle que entregue de novo, porque calquera puido facerlleo exercicio.

Se fai varias veces a mesma alerta restamos 1 punto.

RECORDATORIO

Se ao picar nos intentos vemos que algunha persoa non entregou as preguntas de tipo tarefa (as dúas últimas), enviarémoslle unha mensaxe persoal advertindo que se detectamos que non as entrega de forma sistemática, levará un cero no exercicio. 

Pedirémoslle que as entregue no noso correo (indicando cal é) antes do XX data, e non lle asignaremos cualificación ata que as entregue.

Esa mensaxe deixarémola tamén no apartado de comentarios que aparece ao corrixir, para que saibamos que xa foi avisado a través da mensaxe. 

Cómpre recordarlles que superar este exercicio é requisito para o apto (ver descrición do exercicio na aula), e que deben entregalo antes do XX data. 

EXEMPLOS DE MENSAXE

Este exercicio é obrigatorio, pero non puntúa para o apto no curso.

Saber participar nun Foro en liña é unha das competencias que o alumnado debe adquirir a nivel básico. Por iso deben realizar o exercicio, pero ao ser unha competencia máis "débil" nona cualificamos, para non ter que suspender a ninguén por non seguir as pautas para a intervención no Foro, que segundo se indican nad escrición da actividade, son:

• Ser dun mínimo de 75 palabras.
• Respectar as ideas dos demais.
• Intercambiar ideas coherentes e exposicións claras.
• Respectar o tema de conversación do Foro.
• Seguir as normas de redacción e ortografía, reflexando respecto polas persoas que len o Foro.

Como os temas de debate non se importan desde as aulas repositorio, hainos que crear de novo (temos exemplos no repositorio). Hai que ocultar o foro para que o alumnado matriculado non reciba as preguntas como mensaxe de correo, e asegurarse que nos axustes, na opción "subscrición e seguimento" o "modo de subscrición" sexa Subscrición opcional. Unha vez creados os temas de debate hai que facer visible o foro.

A opción "Ler o seguimento deste foro / Acendido", que aparece baixo o "Modo de suscrición" serve para que as persoas participantes no curso poidan saber se hai mensxes novas nese Foro, pendentes de ler por elas.

Ao engadir os temas de debate como profesores do curso, por defecto actívase a "Suscrición ao debate". Se non queremos recibir copia no noso correo de cada mensaxe que achegue o alumnado a ese tema, debemos desmarcar a casiña da suscrición que aparce baixo cada liña de debate (esta é a suscrición persoal a esa liña de debate, non é a suscrición xeral ao Foro -esta xa debería ser opcional, se seguimos os pasos do parágrafo anterior-).

Recoméndase ás bibliotecas intervir de cando en vez para que o alumnado perciba que se titoriza o Foro.

 Cómpre revisar a descrición da tarefa para saber o que se lle require ao alumnado

 Antes de cualificar, comprobar que o termo non está repetido e que non hai máis de 18 entradas desa letra. Se está repetido ou hai máis de 18 entradas, poñemos un cero a esa persoa e enviamos unha mensaxe para que introduza outra entrada.

EXEMPLO DE MENSAXES

Bo día,

a entrada que elixiches xa estaba no glosario e non se admiten entradas duplicadas. Por favor, escolle outro termo e fai de novo o exercicio.

Saúdos!

__

Bo día,

introduciches unha letra que supera as 18 entradas permitidas. Por favor, escolle outra letra e fai de novo o exercicio.

Saúdos!

Este exercicio puntúa sobre 100, coa seguinte distribución:

• Captura correcta na que se vexa, polo menos, un documento co nome proposto: 45 puntos
• Captura correcta na que se vexa, polo menos, unha carpeta co nome proposto: 45 puntos
• Imaxe recortada correctamente: 10 puntos
• Formato distinto do PDF ou arquivo mal nomeado: -10 puntos
• A carpeta ou o documento non levan o nome proposto: -10 puntos
• Na imaxe non se aprecia o nome do alumno/a: -60 puntos

Debemos comprobar que se ven as iniciais da persoa (senon pode ser unha copia de calquera).

Mirar os criterios de corrección para restar os puntos correspondentes. Se crean o documento dentro da carpeta non restamos puntos pero advertímoslles que deben seguir as instrucións do enunciado. Se crean a carpeta e o documento pero non lles asignan os nomes propostos descontamos 10 puntos.

Se hai que pedir que o entregue de novo poñeremos a puntuación descontando o que corresponda e enviaremos unha mensaxe ao correo, ademais de deixar o "comentario de realimentación" na tarefa.

EXEMPLOS DE MENSAXES

Karina, o exercicio 9 non é correcto, xa que tiñas que ter utilizado o OneDrive da USC, tal como se pide no enunciado.

Se queres optar a unha mellor cualificación podes volver subir a túa tarefa antes do remate do curso. Non che esqueza avisar de que volviches subila para poder cualificarte (envíame un correo a nome.apelido@usc.es).

Saúdos,

Nome titor/a.

___

Bo traballo Salomé, pero a carpeta Attachments ven creada por defecto, polo que non che podo sumar os 45 puntos que suporía ter creado ti unha carpeta.

O teu nome vese sen problema.

Saúdos,

Nome titor/a.

__

Ola Sandro, tes 10 puntos menos xa que non recortaches ben a imaxe para manter a salvo a túa prvacidade.

Nome titor/a.

Pregunta 7 (Google Scholar): NomeTitor

Este exercicio vale 6 puntos:

• Pantalla que amosa o uso de Refworks como xestor da bibliografía: 6 puntos
• Non se ve que o/a alumno/a está logueado: -5 puntos
• As imaxes non están ben recortadas: -0,1 puntos

EXEMPLOS DE MENSAXES

Prezado/a ususario/a,

Falta a captura onde seleccionas Refworks como xestor da bibliografía. Restamos a puntuación correspondente.  

Saúdos,

Nome do/a titor/a.

Pregunta 8 (reserva dun libro): NomeTitor

Esta pregunta puntúa 6, coa seguinte distribución:

•     A reserva e a cancelación foron realizadas correctamente: 6 puntos
•     Non se ve que o/a alumno/a estea logueado:  -4 puntos
•     A reserva non está ben feita ou falta a pantalla onde se ve que está feita: -6 puntos
•     A cancelación non está ben feita ou falta esta pantalla: -6 puntos
•     Se as imaxes están mal recortadas ou en vertical descontamos 0,1.

Se non poden facer o exercicio porque non teñen acceso a Primo, enviamos unha mensaxe co seguinte texto:

Prezado/a usuario/a,

Para poder iniciar sesión en Iacobus, debes dirixirte ao Centro de Atención a Usuarios (CAU), no correo electrónico: cau@usc.es, ou no teléfono: 981 563 100 - Ext. 55555. O horario de atención é de 8:00 a 22:00. Unha vez realizada a tarefa, fai unha nova entrega antes do 27 de marzo.

Saúdos,

Nome da persoa titora.

Este exercicio corríxese en termos de APTO/NON APTO.

CRITERIOS DE AVALIACIÓN

•     A frase resumo describe o tema de forma completa pero concisa.
•     Os termos chave elixidos representan ben o tema (están ben formados, non se inclúen palabras baldeiras ...).
•     Os termos alternativos (equivalentes), xerais e específicos son adecuados.
•     Correcta construción da ecuación de busca (uso de operadores e límites).
•     Os resultados son adecuados en número e relevancia.

Unha busca na que se produza un evidente silencio ou ruido documental, suporá o NON APTO.

Se non se aprecia o nome do/a estudante o exercicio será cualificado como NON APTO.

MENSAXERÍA

• Pasados 2 ou 3 días do prazo recomendado para realizar o módulo que contén esta tarefa publicaremos unha 1ª mensaxe no Foro de dúbidas cos erros máis frecuentes e os consellos para mellorar os resultados da busca (ollo! sen facerlles o exercicio). Ver sección Proposta de 1ª mensaxe.
• Nesta mensaxe recordarémoslles que superar esta tarefa é requirido para o APTO no curso e, polo tanto, as persoas cualificadas como non aptas deben volver entregalo antes do prazo que determinemos, e do que lles informaremos nesta mesma mensaxe.
• Unha semana máis tarde lanzaremos unha 2ª mensaxe ao Foro, recordando ás persoas cualificadas con NON APTO que remata o prazo para o 2º intento desta tarefa. Agregaremos un parágrafo advertindo ás persoas que aínda non a entregaron que só disporán dun intento, posto que o curso remata en breve e non da tempo a corrixir.
• Para o alumnado que entregue esta tarefa na última semana do curso darémoslle prazo para corrixir ata dous/tres días antes de que acabe o curso, pero cada centro deberá valorar se finalmente dispón de tempo para permitirlles intentalo de novo, tendo en conta que estarían advertidos desde 2 semanas atrás.

Daremos, por tanto, 3 oportunidades en total para superar esta tarefa (3 envíos), xa que non superala supón o NON APTO no curso.

PROPOSTA DE 1ª MENSAXE

Bo día,

Esta mensaxe vai dirixida a aquelas persoas que recibiron a cualificación de NON APTAS na tarefa M4B. BUSCA NA BASE DE DATOS XXX.

Como sabedes, superar esta tarefa é requisito para optar ao APTO no curso avanzado CI.

É por esta razón que facilitamos, por esta canle, unha serie de consellos para que refagades a tarefa e poidades superala. Tede en conta que debedes entregar este 2º intento antes do 17 de novembro (as persoas que entreguedes despois desta data só disporedes dun intento, dado que o curso remata o día 20, e non da tempo a corrixir). Debedes entregar a tarefa na plataforma.

En xeral, a razón pola que non podemos dar por superado o exercicio da busca en Dialnet débese a que non seguides os pasos que se vos piden no enunciado e/ou non entendedes o uso dos operadores.

Recomendacións para mellorar as vosas buscas:

1) Utilizar termos equivalentes (sinónimos), para cada un dos conceptos, combinados mediante o operador OR. Por exemplo, se o noso concepto é emprego, podemos buscar por (emprego OR traballo)

2) Empregar tamén operadores de truncamento, aínda que con mesura, para que non se produza ruído documental. Por exemplo, se buscas por empreg*, recuperarás aqueles documentos que conteñan os termos: emprego, empregado, empregar, etc.

3) Evitar termos tan xenéricos como "influencia". Se o fas constar como termo de busca, obrigas ao portal a devolver só aqueles resultados que conteñan este termo nalgún campo. Un libro que, por exemplo, leve por título "capitalismo e desigualdade" tratará este tema,  mais non emprega o termo "influencia" no título e, polo tanto, o buscador descartarao entre os resultados ou o colocará moi abaixo na lista, xa que é un termo que lle estás esixindo na ecuación de busca e o documento non o ten nun dos campos máis importantes na recuperación da información.

Lembra que os sistemas de recuperación de información buscan cadeas de caracteres coincidentes sintacticamente, non entenden a semántica.

Revisa os contidos do módulo 4 e proba distintas ecuacións antes de enviar a túa entrega. Se tes dúbidas, non deixes de acudir á Biblioteca.

Saúdos,

Nome da persoa titora.

CANDO SE ENVÍA?

2 ou 3 días despois de que abra o prazo recomendado para este módulo.

Neste exemplo, o prazo comeza o 31 de outubro, polo que a mensaxe se enviaría ao Foro de dúbidas o 3 de novembro.

Pregunta 4 (Gardar busca Iacobus): Titor1

Esta pregunta vale 3 puntos, dos que:

• A pantalla da busca favorita vale: 1 punto
• A pantalla da listaxe, co nome adecuado e seguindo as instrucións: 1 punto
• Mínimo de 5 resultados na busca: 1 punto
• Listaxe cun nome distinto do esixido: -0,5 puntos
• Imaxes mal recortadas: -0,1 puntos
• Non se aprecia o nome da/o alumna/o: -3 puntos

Pregunta 5 (Importar Iacobus-Refworks): Titora2

Esta pregunta vale 5 puntos, dos cais:

• Captura pantalla Iacobus: 2 puntos
• Captura Refworks: 3 puntos
• Imaxes mal recortadas: -0,1 puntos
• Non se aprecia o nome da/o alumna/o nin se pode deducir das capturas (nome da lista de favoritos): -5 puntos
• Na captura de Refworks hai menos de 5 referencias: descontamos segundo o nº referencias que falten (-0,6 cada referencia)

Pregunta 6 (Crear alerta Dialnet): Titor3

O exercicio vale 2 puntos:

•     Se non se ve o nome do/a alumno/a descontamos 1,5 puntos.
•     Se non escolle a frecuencia adecuada -1 punto.
•     Se fai varias veces a mesma alerta: -1 punto
•     Imaxe mal recortada: -0,1 punto
•     Se non mandan o arquivo nomeado segundo as instrucións ou non está en PDF restamos 0,10. 

Pregunta 7 (OneDrive): Titora4

Este exercicio puntúa sobre 2, coa seguinte distribución:

• Captura correcta na que se vexan o documento e a carpeta cos nomes indicados nas instrucións: 1 punto (se non seguen as instrucións, -0,5 punto)
• O documento foi compartido correctamente e o titor pode editalo: 1 punto (se o vínculo non funciona -0,5 puntos; se o titor non pode editar, -0,5 puntos
• Na imaxe non se aprecia o nome do alumno/a: -1,5 puntos
• Imaxe da captura non recortada correctamente: -0,1 puntos

Se a entrega é correcta, poñeremos o comentario no apartado correspondente da tarefa e, sempre que o documento compartido premita a edición, tamén no documento.

Se hai que pedir que o entregue de novo, poñeremos a puntuación descontando o que corresponda, e enviaremos unha mensaxe ao correo, ademais de deixar o comentario de realimentación na tarefa.  

EXEMPLOS DE MENSAXES

Ola Karina, o exercicio 9 non é correcto, xa que tiñas que ter utilizado o OneDrive da USC, tal como se pide no enunciado do exercicio.

Se queres optar a unha mellor cualificación podes volver subir a túa tarefa antes do remate do curso. Non te esquezas avisar de que volviches subila para poder cualificarte (envíame un correo a mcarmen.barral@usc.es).

Saúdos,

Nome da titora.

___

Bo traballo Salomé, pero a carpeta Attachments ven creada por defecto, polo que non che podo sumar o 1 punto que suporía ter creado ti unha carpeta.

O teu nome vese sen problema.

Saúdos,

Nome da titora.

__

Ola Sandro, tes 0,1 puntos menos xa que non recortaches ben a imaxe para manter a salvo a túa privacidade.

Nome da titora.

Este exercicio é obrigatorio, pero non puntúa para o apto no curso.

Como os temas de debate non se importan desde as aulas repositorio, hainos que crear de novo (temos exemplos no repositorio). Hai que ocultar o foro para que o alumnado matriculado non reciba as preguntas como mensaxe de correo, e asegurarse que nos axustes, na opción "subscrición e seguimento" o "modo de subscrición" sexa Subscrición opcional. Unha vez creados os temas de debate hai que facer visible o foro.

A opción "Ler o seguimento deste foro / Acendido", que aparece baixo o "Modo de suscrición" serve para que as persoas participantes no curso poidan saber se hai mensxes novas nese Foro, pendentes de ler por elas.

Ao engadir os temas de debate como profesores do curso, por defecto actívase a "Suscrición ao debate". Se non queremos recibir copia no noso correo de cada mensaxe que achegue o alumnado debemos desmarcar a casiña da suscrición que aparce baixo cada liña de debate (esta é a suscrición persoal a esa liña de debate, non é a suscrición xeral ao Foro -esta xa debería ser opcional, se seguimos os pasos do parágrafo anterior-).

Recoméndase ás bibliotecas intervir de cando en vez para que o alumnado perciba que se titoriza o Foro.

Este exercicio corríxese en termos de APTO/NON APTO.

CRITERIOS DE AVALIACIÓN

•     Inserir correctamente as 3 citas
•     Empregar correcto e coherente do formato APA 7ª ed. (aceptamos 6ª ed)  
•     Xenerar automaticamente a bibliografía final

MENSAXERÍA

• Dous días despois do prazo recomendado para comezar este módulo na Guía de traballo para o estudante, publicaremos unha 1ª mensaxe no Foro de dúbidas cos erros máis frecuentes e os consellos para que as persoas non aptas refagan esta tarefa e a entreguen de novo, no prazo máximo dunha semana, posto que esta é das últimas tarefas do curso e non da tempo a corrixir. Ollo! sen facerlles o exercicio. Ver sección Proposta de 1ª mensaxe.
• Nesta mensaxe recordarémoslles que superar esta tarefa é requirido para o APTO no curso. 
• Incluiremos un parágrafo para recordar que só se admiten formatos de texto que se poidan editar como .doc, .docx ou .odt (o PDF non é válido).
• Tres días antes de que remate o curso lanzaremos unha 2ª mensaxe no Foro, recordando ás persoas cualificadas con NON APTO que remata o prazo para o 2º intento. Agregaremos un parágrafo advertindo ás persoas que aínda non entregaron que só disporán dun intento, posto que o curso remata en 3 días.

Daremos, por tanto, 2 oportunidades en total para superar esta tarefa (2 envíos), xa que non superala supón o NON APTO no curso.

PROPOSTA DE 1ª MENSAXE

Bo día,

esta mensaxe vai dirixida a aquelas persoas que recibiron a cualificación de NON APTAS na tarefa M6B. PRÁCTICA CITAR E XERAR BIBLIOGRAFÍA. Como sabedes, superar esta tarefa é requisito para optar ao APTO no curso avanzado CI.

É por esta razón que facilitamos, por esta canle, unha serie de consellos para que refagades a tarefa e poidades superala. Tede en conta que debedes entregar este 2º intento antes do 17 de novembro (as persoas que entreguedes despois desta data só disporedes dun intento, dado que o curso remata o día 20 e non da tempo a corrixir).

En xeral, a razón pola que non podemos dar por superado este exercicio é que as citas e/ou as referencias non permiten localizar a fonte utilizada (o apelido das persoas autoras non é o que corresponde, faltan os datos da revista ou do libro nos que se inclúe o artigo/capítulo ...).  

A clave para traballar con RefWorks é revisar ben as referencias e editalas no momento na que as integramos ao xestor.

Lembrade que para esta tarefa só se admiten formatos de texto que se poidan editar como .doc, .docx ou .odt (o PDF non é válido).

Enumeramos os erros máis frecuentes para que poidades corrixilos e superar a tarefa:

1) Nos autores latinos APA recomenda empregar os dous apelidos cando os citamos, e empezar polo 1º apelido. O modelo de cita en APA é (Apelido 1 Apelido 2, ano, p. XX-YY)

2) Ao igual que nas citas, nas referencias cando hai 2 autores únense pola conxunción y/e/& segundo o idioma que empreguemos.

3) Non se inclúe aos prologuistas, tradutores, etc.

4) A entrada das autoras dun libro, cando referenciamos un capítulo, deben ser na orde: Inicial do nome Apelido1 Apellido2...

5) Faltan os datos da revista (volume, nº, url...) ou están mal identificados segundo o formato que pide APA (falta a cursiva no título, o número non vai entre parénteses...)

6) Faltan os datos do libro (editoras, título...) ou están mal identificados segundo o formato que pide APA (falta a partícula En, a cursiva no título, ...)

7)  ...

Lembra que o obxectivo das citas e das referencias é que as persoas que accedan ao noso traballo poidan consultar as fontes que estamos citando.

Revisa os contidos do módulo 6 e se tes dúbidas non deixes de acudir á Biblioteca.

Saúdos,

Nome da persoa titora.

CANDO SE ENVÍA?

2 ou 3 días despois de que abra o prazo recomendado para este módulo.

Neste exemplo, o prazo comeza o 10 de novembro, polo que a mensaxe se enviaría ao Foro de dúbidas o 13 de novembro.

PROPOSTA DE 2ª MENSAXE

Bo día,  

Esta mensaxe vai dirixida as persoas que recibiron a cualificación de NON APTAS ou que aínda NON ENTREGARON a tarefa M6B. Práctica de citar e xerar bibliografía.  Lembrade que o prazo de entrega do 2º intento, remata mañá, 17 de novembro ás 23.59h.

Aquelas persoas que aínda non entregáchedes a tarefa disporedes dun único intento, posto que o curso remata en 3 días.  

Como xa sabedes, superar esta tarefa é requisito para optar ao APTO no curso avanzado CI.  

Revisade os contidos do módulo 6 e as recomendacións do aviso do Foro de dúbidas do día 13.11.2023. Se tendes dúbidas, non deixedes de acudir á Biblioteca. 

Saúdos,  

Nome da persoa titora.

CANDO SE ENVÍA?

3/4 días antes de que remate o curso.

Neste exemplo, o curso remata o día 20, polo que a mensaxe se enviaría ao Foro de dúbidas o 16 de novembro.