Táboa de contidos
O programa ACADEMIA leva a cabo o proceso de avaliación curricular para a obtención da acreditación de acceso aos corpos docentes universitarios de Profesor/a Titular de Universidade (PTU) e Catedrático/a de Universidade (CU).
O certificado de acreditación é, xunto co título de doutor/a, un requisito imprescindible para concorrer aos concursos de acceso de profesorado funcionario docente.
O programa Academia regúlase principalmente por:
Real decreto 678/2023, do 18 de xullo, polo que se regula a acreditación estatal para o acceso a os corpos docentes universitarios e o réxime dos concursos de acceso a prazas dos ditos corpos.
No procedemento para a obtención da acreditación avalíanse os seguintes méritos e competencias:
Trátase dunha convocatoria permanentemente aberta, de carácter universal -non vinculada a unha rama de coñecemento determinada- dirixida a:
ACREDITACIÓN AO CORPO DE PROFESORADO TITULAR DE UNIVERSITADE (PTU)
Para optar á acreditación para profesor ou profesora titular de universidade é requisito indispensable:
ACREDITACIÓN AO CORPO DE CATEDRÁTICA OU CATEDRÁTICO DE UNIVERSIDADE (CU)
O persoal docente e investigador de universidades ou centros de investigación poderá solicitar avaliación para acreditarse para profesorado titular e a profesorado catedrático de Universidade simultaneamente, sempre que acredite ter a condición de doutora ou doutor con, polo menos, oito anos de antigüidade.
A Comisión poderá conceder a acreditación conxuntamente ou só a PTU.
PRESENTACIÓN DE SOLICITUDES
As solicitudes deberán presentarse a través da Sede electrónica da ANECA -trámite ACADEMIA-, cumprimentando na aplicación os méritos do Currículum Vitae Normalizado (CVN), preferiblemente mediante a opción “CVA ANECA” (Editor de CVN).
| Cómpre dispor de DNI electrónico ou certificado electrónico. |
Na solicitude deberá constar:
CVA ANECA
Durante a introdución dos méritos curriculares, a persoa solicitante debe elixir o modelo de currículo “Formato CVA (ANECA)” dispoñible desde o menú principal do Editor de CVN, debaixo do acceso a cada un dos módulos. Cando pulse no devandito botón a aplicación visualizará só os apartados e campos que pode encher segundo o modelo de CV seleccionado.
O editor componse de 8 Módulos e cada un deles dispón de diferentes seccións. Nesta táboa veñen reflectidos os apartados que hai que encher para cumprimentar un CVA ANECA dentro de CVN. No apartado Modelo de recollida de indicios desta guía, a biblioteca ofrece un documento editable co que preparar a solicitude.
Unha vez cumprimentados todos os méritos do CV nos apartados correspondentes, debe facerse a selección de méritos obrigatorios e complementarios (e específicos se se trata dunha solicitude a cátedra) consonte ao establecido nos criterios publicados no campo científico e corpo docente no que desexa solicitar a súa acreditación.
Os méritos deberán levar asociado un PDF coa xustificación documental necesaria, que poderá presentarse en inglés. Os documentos presentados noutra lingua estranxeira requirirán unha tradución ao castelán.
Tamén se deberán achegar directamente na aplicación informática:
Como último paso para a presentación da solicitude debe enviar á ANECA, a través do Rexistro Electrónico Común (REC), a seguinte documentación:
**No caso de acreditación a Profesora ou Profesor Titular de Universidade:
Se o tamaño do PDF fora superior a 15Mb, poderá realizarse un segundo asento rexistral co resto da información, indicando no asunto a referencia co número de rexistro do primeiro.
No caso de que o tamaño da documentación exceda os 30Mb, deberá contactar coa ANECA a través do correo: solicitudesacreditacion@aneca.es
| ANECA requirirá o uso de repositorios institucionais ou temáticos, así como de agregadores recoñecidos internacionalmente, en acceso aberto conforme os artigos 12 e 69.2.b) da Lei 2/2023, do 22 de marzo, como forma de acceso preferente ás publicacións científicas e outros resultados de investigación. |
SEGUIMENTO DA SOLICITUDE
Se faltase algún documento dos preceptivos, ou os achegados non reunisen os datos necesarios, comunicarase á persoa interesada para que emende o defecto nun prazo de 10 días hábiles desde a notificación. De non efectuar a corrección no referido prazo teráselle por desistida da súa solicitude de acreditación.
As comisións poderán remitir o expediente á persoa titular da dirección de ANECA para a súa reatribución a outra comisión cando consideren que o perfil da persoa solicitante resulta máis afín a outra especialidade, dando un prazo de 10 días hábiles para formular alegacións.
As alegacións e os documentos de corrección enviaranse a través da sede electrónica de ANECA, podendo coñecerse en todo momento o estado de tramitación da solicitude.
RESOLUCIÓN
A resolución será notificada a través da sede electrónica da ANECA dentro dos 10 días seguintes á data na que se dicte.
O prazo para notificar a resolución será de 6 meses desde a data de rexistro da solicitude. Transcorrido o prazo sen que se dicte a resolución esta entenderase como desestimada por silencio administrativo.
Cando a resolución sexa:
Contra as resolucións das comisións de acreditación poderase interpoñer reclamación no prazo de 1 mes a partir da súa recepción, a través da sede electrónica do Ministerio con competencias en materia de Universidades.
