A tarxeta universitaria de identidade da USC (TUI), é o elemento de identificación dos membros da Comunidade Universitaria (Regulamento da Tarxeta de Identidade da USC, aprobado polo Consello de Goberno do día 28 de decembro de 2022). É un documento de identificación persoal e intransferible.
A TUI ten carácter obrigatorio para os seguintes colectivos da USC:
A TUI tamén pode ser solicitada polos seguintes colectivos:
As incidencias sobre a expedición da TUI serán xestionadas a través do correo tui@usc.gal
As incidencias de carácter tecnolóxico tramitaranse a través do correo do CAU: cau@usc.gal
(Ex-alumnos, ex-PDI e ex-PAS), unha vez finalizada a súa relación coa USC, pasan a categoría de Grupo de Usuarios Alumni na sua conta externa en Alma. Nunha conta interna no caso de Alumni sen credenciais na USC
Poderán solicitar a carta de lector da BUSC en calquera biblioteca e concederáselles directamente a carta, sen facer ningunha solicitude (previa acreditación da súa pertenza a algún destes tipos), aos seguintes solicitantes:
Estas tarxetas terán vixencia dun ano.
No momento da expedición da carta de lector da BUSC, os usuarios deberán cubrir un impreso no que darán a súa conformidade para que os seus datos persoais sexan incluidos no ficheiro de usuarios da biblioteca, de acordo coa actual lexislación sobre protección de datos persoais. Este impreso deberá ser escaneado e achegado ao rexistro de usuario.
Os non encadrados nestas tipoloxías deberán facer unha petición por escrito ou correo-e (que debe ser escaneada e subida ó rexistro de usuario), dirixida ó director/a da biblioteca onde acudan, indicando os estudos e/ou traballos que realizan na actualidade e as razóns polas que desexan facer uso da BUSC. A data límite do carnet será a que se lles conceda.
Os alumnos matriculados no Centro de Linguas Modernas non se considerarán como usuarios propios da BUSC. A carta de lector se lles concederá en función de que poidan ser asimilados a algunha das categorías de usuario establecidas pola BUSC.
Aquelas persoas que aínda reunindo estes requisitos non sexan residentes en Galicia ou manifesten a necesidade dun uso ocasional da BUSC, poderán solicitar unha tarxeta temporal de usuario invitado, polos días que dure a súa estancia, para facer uso dos servizos da BUSC, agás o préstamo a domicilio.
Cando a resposta a unha solicitude de carta de lector sexa negativa, valorarase a pertinencia de facer unha carta de lector como usuario invitado, que poderá concederse dúas veces ó ano, como máximo, á mesma persoa.
As tarxetas de lector teñen como período de vixencia un ano académico. Cando a estancia dos usuarios sexa inferior a un ano, a carta de lector terá como data de vencemento 15 días antes de que finalice a súa estancia na USC.
As cartas de lector poden ser renovadas se os usuarios seguen a ter os mesmos requisitos para tela. No momento de renovar unha tarxeta, deberán modificarse no rexistro de usuario os datos que teñan cambiado respecto do ano anterior.
Os usuarios externos e invitados con tarxetas caducadas non poderán facer uso do Servizo de Biblioteca da USC.
En Alma existen dous tipos de usuarios:
Os usuarios, en función das tarefas que poden realizar en Alma, a súa vez poden ser:
Os roles de usuarios indican as autorizacións do persoal para traballar en cada sección de Alma. Os roles agrúpanse en perfís, ou colección de roles.
Por exemplo o perfil de Operador do mostrador de circulación inclúe varios roles: operador de inventario físico, operador de ordes de traballo, operador de solicitudes, operador do mostrador de circulación.