Na pestana Grupos atopamos toda a información relativa aos grupos de Investigación agrupados por centros singulares, institutos, agrupacións estratéxicas I+D+i, departamentos e facultades. Dentro de cada grupo ofrécese información sobre o responsable do mesmo, investigadores membros do grupo, liñas de investigación, oferta científica, proxectos, publicacións, colaboracións, teses dirixidas polos membros do grupo, patentes e indicadores.
É posible facer a procura dun grupo determinado introducindo na caixa de búsqueda o código ou o nome do mesmo.
Desde a páxina do grupo accédese ao perfil dos investigadores/as da USC que o integran.
Detalle. Data de constitución do grupo, responsable, facultade, departamento, investigadores que forman parte...
Liñas de investigación. Temática que define ao grupo, liñas de traballo actuais.
Oferta científica derivada da investigación do grupo. Propostas de traballo do propio grupo de cara a empresas ou organismos externos que poidan estar interesados no seu traballo.
No apartado Proxectos atopamos toda a información dos proxectos nos que participou o grupo coa data e investigadores responsables. Ademais, se picamos sobre o seu título, accedemos á páxina do proxecto.
Publicacións. Todas as publicacións nas que participou, polo menos, un membro investigador do grupo. Ao igual que na páxina do/a investigador/a, neste apartado atopamos a representación gráfica por anos e tipo de publicación, xunto cunha listaxe de publicacións na parte inferior da pantalla.
Na páxina Colaboración móstranse os autores e autoras cos que colaboran os membros do grupo e o número de publicacións con cada un deles. Por outra banda, podemos ver os centros de investigación cos que colaboran os/as investigadores/as do grupo.
[
Na parte inferior, baixo o epígrafe "Relacións", ofrécese unha listaxe de investigadores/as, institucións e grupos de investigación externos á USC con que colaboran.
Teses. Neste apartado podemos ver as teses dirixidas por algún membro do grupo. Se picamos sobre o título o sistema nos levará á páxina individual da tese no portal.
Patentes. Os grupos de investigación que teñan polo menos unha patente dispoñen da pestana "Patentes".
Cada patente ten a súa propia páxina dentro do portal coa seguinte información:
- Título da Patente
- Inventoras/es
- Institución
- Publicación principal: código da publicación, tipo de patente e data da publicación
- Outras publicacións: código da publicación, tipo de patente e data da súa publicación
- Solicitudes. Código da solicitude e data do seu rexistro
- Resumo
- Código Invenes
- Ligazón ás publicacións
Indicadores. Mostra o conxunto de indicadores bibliométricos que permiten avaliar a calidade científica do conxunto de publicacións do grupo. A pestana indicadores vese unicamente se estamos previamente identificados no portal.
Na actualidade preséntanse os seguintes indicadores:
- Citas recibidas en Scopus
- Citas recibidas en Dialnet Métricas
- Revistas en que que publica o grupo
- Journal Impact Factor (JCR)
- SCImago Journal Rank (SJR)
- Índice Dialnet de Revistas (IDR)
- Clasificación Integrada de Revistas Científicas (CIRC)
- Journal CItation Indicator (JCI)
