Portal da Investigación USC

O Portal, xestionado pola Biblioteca Universitaria e a Área de Promoción e Estratexia Científica, recolle a produción científica da Universidade de Santiago de Compostela dando visibilidade e transparencia á súa actividade investigadora a través dos resultados e da análise do seu impacto. Permite a consulta por investigador, áreas de coñecemento, departamentos, institutos e grupos de investigación. É preciso estar identificado para editar os datos persoais, descargar informes e consultar os indicadores bibliométricos.

Entre os seus obxectivos están:

• Reunir nun único punto de acceso a produción científica xerada polo persoal investigador e unidades da USC.
• Incrementar a súa visibilidade e difusión dentro da comunidade científica, con acceso a textos completos.
• Dispoñer de publicacións actualizadas periodicamente procedentes de diversas fontes.
• Ofrecer indicadores bibliométricos a nivel individual e por grupos de investigación, departamentos, etc.
• Facilitar opcións para completar a produción científica dos investigadores/as e grupos.
• Na actualidade, inclúense os investigadores/as en situación activa da USC en todas as categorías, así como ex investigadores/as.

O Portal contén a produción científica dos/as investigadores/as da Universidade de Santiago de Compostela, tanto de xeito individual como  agrupados en Grupos de Investigación, asi como os resultados globais da Universidade.

- Grupos: Departamentos, Centros singulares, Institutos, Centros de Investigación Interuniversitarios. Datos do grupo, investigadores/as membros, liñas de investigación, oferta científica, proxectos, publicacións, colaboración, patentes (extraídas da base de datos Invenes de la OEPM), especialidades predominantes, teses dirixidas por membros do grupo e indicadores.

- Investigadores/as: Perfil persoal (adscrición a departamento, área, instituto, grupo de investigación, ligazóns aos identificadores), publicacións, colaboración, teses, patentes (extraídas da base de datos Invenes de la OEPM), proxectos e indicadores.

- Resultados globais da USC: publicacións, acceso aberto, teses dirixidas e defendidas, colaboración, patentes, indicadores globais e datos de investigación importados desde DataCite.