reBUSCa - Guía de uso

                    
É obrigatorio crear copias de seguridade das guías.

Aínda que estas copias de seguridade HTML non se poden usar para restaurar o contido eliminado, poden axudarche a recrealo.

As copias de seguridade créanse automaticamente cando se elimina unha guía, pero é obrigatorio facelo nestes casos:

1. Ao estar creando unha guía: sempre que saiamos do sistema
2. Antes de publicar a guía
3. Sempre que se fagan actualizacións das guías.

1. Fai clic no menu Guide Information ().

2. Baixo BACKUP/EXPORT, selecciona Create HTML Backup.

3. Aparece unha mensaxe de confirmación que nos di que o ficheiro Backup foi xerado (tamén haberá unha copia dispoñible en Tools > Data Exports > Guide HTML). O seguinte paso é descargalo no equipo.

4. Preme na ligazón Download HTML Backup. Isto abrirá unha nova páxina no navegador coa visualización da guía. Nesa páxina, preme no botón dereito do rato para acceder á opción "Guardar como".

Nas opcións de gardado escolle do despregable "Tipo" a opción" Páxina web, completa".

5. No diálogo "Guardar como" debemos poñer o nome á copia de seguridade co seguinte formato:

titulo-da-guia-aaaa-mm-dd

O título desta guía é: reBUSCa - Guía de uso, polo que o nome do arquivo da copia de seguridade sería:

rebusca-guia-de-uso-2021-12-17

Non utilizamos eñes nin tildes e separamos cada palabra por guión medio (-), non baixo nin espazos

Seguindo estes pasos xerarase  un ficheiro html e unha carpeta de ficheiros (dúas se usas un MAC) que comezan co mesmo nome. Selecciona o ficheiro html e a(s) carpeta(s). A continuación preme o ratón dereito para acceder ao menú contextual. Escolle a opción "Enviar a" e seguidamente "Carpeta comprimida". Isto creará unha carpeta comprimida que deberá manter a estrutura de nome indicada máis arriba e que será a que se subirá no seguinte paso.

Unha vez gardadas no ordenador as copias de seguridade temos que facelas accesibles ao resto dos editores de LibGuides.

1. Vai ao sitio do grupo de Office "Guías e titoriais"
    
2. Baixo "Guías" (premendo na frecha) vai a "Guías - Backups"
    
3. Sube o arquivo de copia de seguridade no grupo correspondente, substituíndo o anterior se o hai.

Repite estes pasos sempre que fagas unha copia de seguridade.