Manual CI : actualización curso 2025/2026

FASES DE TRABALLO

Ao remate de cada curso académico, a coordinación do Grupo FUBUSC reparte os módulos e actividades a revisar entre os centros/persoal. Esta revisión farase sobre as aulas do curso inmediatamente anterior. Deberanse revisar os textos, táboas, imaxes, o funcionamento correcto dos enlaces, e as tarefas do módulo que a cada quen lle corresponda, a nivel básico, avanzado, ou ambos.

Cada ano cómpre cambiar aquelas táboas ou imaxes susceptibles de mellora e que transmitan unha imaxe pouco actual, mesmo pola ferramenta sobre a que se construíron (moitas en Word), xa que as novas ferramentas -como Canva- permiten máis versatilidade e ofrecen presentacións máis atractivas dos contidos. Para que todo o persoal de FUBUSC teña acceso a estas táboas e imaxes, deberá seguirse o procedemento proposto neste manual. (Ver Repositorio de imaxes das aulas CI).

Cómpre revisar a configuración de todos os elementos, especialmente dos exercicios e dos axustes das cualificacións nas aulas do curso 24/25, xa que os posibles erros que existan vanse replicar en todas as aulas que fagan a importación. Se,ademais, necesitamos crear itinerarios por grupos de alumnado, é fundamental revisar o completado das actividades e o Estado de completado do curso.

1. Importar os contidos desde a aula do curso 2024/25. Hai que ter en conta as modificacións feitas nas aulas polo grupo de traballo IA-CI

• Nivel básico: a coordinación deste nivel será quen faga a importación, xa que só contaremos cunha réplica, unha única aula definitiva na que se matriculará todo o alumnado.

• Nivel avanzado: será a coordinación de cada área de coñecemento quen realice a importación á aula definitiva. Consultar a actualización 25/26 ao final do procedemento. 

• Nas aulas haberá un documento no que se indiquen as modificacións a realizar nas aulas réplica, con indicación da/s persoa/s responsable/s segundo o documento Reparto de tarefas, que tamén se localiza  na propia aula.

2. Revisar os grupos que viñeron da importación e eliminar ou crear os que sexan necesarios para crear itinerarios formativos. Esta tarefa tamén será realizada polas coordinacións, e non desde os centros.

Os centros deberán comprobar que os itinerarios funcionan correctamente, para o que matricularán a unha parte do seu persoal como alumnado e deberán ir cambiándoo de grupo segundo as titulacións ás que dan servizo, para comprobar que todos os seus itinerarios están ben deseñados.

(Para saber máis, ver Creación de grupos e deseño de itinerarios).

3. Revisar as datas da Guía de traballo para o alumnado e programar as mensaxes do foro de novas en función destas De novo, esta tarefa é responsabilidade das coordinacións, e non dos centros.

4. As coordinacións deberán tamén revisar os parámetros de configuración nas aulas definitivas:

• Os exercicios: nº de intentos, temporización, barallar preguntas e/ou respostas, visualización dos resultados, etc.
• Foros: tipo (xeral, debate sinxelo, P e R), debates creados, ...
• Estado de completado do curso (que estea desactivado).
• Axustes das cualificacións: que aparezan ben ponderadas, ordenadas na secuencia correspondente, etc.

PROCEDEMENTO DE IMPORTACIÓN

Pode variar en función dos cambios de versións de Moodle.

1. Importar os contidos:

   • Entrar na aula 25/26 e importar directamente os contidos da aula 24/25.

• Na pantalla seguinte aparecerá a posibilidade de seleccionar os elementos que queremos importar. Neste caso, como é a aula completa deixaremos o que ven marcado por defecto e premeremos en "Saltar ao último paso". Na seguinte pantalla prememos en "Facer a importación" e agardamos a que se realice a importación. No Campus Virtual ofrécese unha guía para importar contidos entre aulas virtuais coa nova versión de Moodle.
• OLLO! Se en lugar de importar os contidos dunha aula completa, desexamos importar só unha parte do contido (un libro, unha tarefa...), en lugar de deixalo todo marcado por defecto deberemos seleccionar unicamente o módulo que conteña ese elemento que queremos importar e, dentro dese módulo, marcar o elemento concreto (ese libro, esa tarefa). Se non seleccionamos o "módulo nai" non poderemos seleccionar o elemento "fillo". Feito isto, debemos ir páxina a páxina premendo en "seguinte" e comprobando que só quedou seleccionado o contido que queremos importar.
  • Se o elemento a importar é un cuestionario, ademais de incluír as actividades e recursos nos axustes iniciais da importación, deberemos incluir tamén o banco de preguntas, xa que de non facelo unicamente importaremos o deseño do cuestionario (descrición, sincronización, cualificación...), pero non as preguntas que contén.
  • Non se poden importar datos dos participantes, nin dos resultados. Pódense importar grupos, pero non terán participantes.
  • Pódense importar os foros, pero non os temas de debate, que deberán ser creados de novo, nin as intervencións dos participantes.
• OLLO! Importación Avanzado 2025/2026: 
  • A persoa coordinadora de cada área importará a totalidade da aula de probas na aula definitiva.
  • Logo, importará as da 2º ed. do ano pasado, SÓ os exercicios do M4 e o M6, sen esquecer o banco de preguntas.
  • Finalmente eliminaremos tarefas e cambiaremos preguntas escollendo as da nosa área.

Durante as 3 semanas previas ao inicio do curso avanzado:

1. A coordinación do nivel avanzado deberá:
   1. Recompilar as incidencias comúns a todas as áreas. Colaborar coa Sección Servizos no deseño da canle máis apropiada para a recollida de incidencias de cada edición.
   2. Aplicar os cambios necesarios na aula modelo que se deseñe dun ano para o outro e deseñar os itinerarios. En caso de empregar un aula modelo para cada área de coñecemento, esta tarefa pasará ás coordinacións das áreas.
   3. Actualizar, en cada edición, o documento Modificacións a realizar polas áreas de coñecemento.Manter informadas ás coordinacións das áreas de todas as decisións e cambios que deban executar.
   4. Facer a importación desde a aula de probas da área de coñecemento correspondente á aula definitiva desa área seguindo os pasos indicados na actualización do PROCEDEMENTO DE IMPORTACIÓN. Cando o persoal dos centros teña acceso ás aulas definitivas, recibirán aviso desde a coordinación das áreas ou desde a caixa de correo de FUBUSC
   5. Actualizar a Guía de traballo do alumnado.
   6. Actualizar as mensaxes do Foro de novas no Manual CI para cada edición do curso.
   7. Comunicar á Sección Servizos os cambios necesarios no Manual CI respecto ao nivel avanzado.
2. A coordinación de cada área de coñecemento deberá:
   1. Revisar a listaxe procedente de Xescampus coa relación de persoas matriculadas na aula da súa área, mentres o prazo de matrícula está aberto, para advertir ao alumnado matriculado por erro nesta aula e que poida matricularse na que lle corresponde. (Ver "mensaxe tipo" no Manual / Matrícula / Anular a matrícula).
   2. Na aula de probas da área de coñecemento, realizar (ou delegar) as tarefas indicadas do documento Modificacións a realizar polas áreas de coñecemento.
   3. Coordinar o reparto de tarefas co resto de bibliotecas da mesma área de coñecemento, tendo en conta as necesidades de cada centro e as indicacións dos seus directores respecto da dispoñibilidade de persoal. Ofrécese a modo de orientación o documento Reparto de tarefas - Modelo CC SOCIAIS AVANZADO, localizable na páxina principal da aula modelo. A coordinación da área debe adaptar este documento segundo as decisións que se tomen dentro da área e cambiarlle o nome por Reparto de tarefas - Modelo ÁREA CORRESPONDENTE.
   4. Revisar os grupos e agrupamentos dentro da aula de probas, eliminar os que sexan innecesarios e agregar os que falten (un grupo por cada máster que se imparte no centro??). Para saber os Graos que se inclúen en cada área segundo a USC, pódese consultar o web da USC ou o documento Graos e áreas cto.xlsx
   5. Asignar un grupo a cada membro do persoal matriculado como alumnado, escollendo unha das titulacións ás que da servizo cada centro (consultar coas persoas responsables dos centros). Os centros que conten con máis dunha titulación pero non teñan persoal suficiente deberán ir cambiando ao seu persoal de grupo, para comprobar que todos os itinerarios funcionan correctamente.
   6. Na aula definitiva:
      1. Comprobar que os grupos e agrupamentos foron importados correctamente, e se manteñen as restricións de cada elemento (libros, tarefas...) para o/s grupo/s ou agrupamento/s correspondente/s.
      2. Programar as mensaxes da Guía de traballo do alumnado no Taboleiro de novas, ou delegar esta tarefa noutra biblioteca integrante da área. Copiaranse desde o manual CI 24-25, pero deberán adaptarse segundo sexa necesario (os enlaces deben revisarse sempre, garantindo que dirixen á aula correspondente).
      3. Crear as liñas de debate do Foro de dúbidas (unha por módulo) e designar ás persoas responsables de cada unha. Antes de crealas, comprobar que a subscrición é opcional.
      4. Crear as liñas de debate do Foro sobre a protección da privacidade, ou delegar esta tarefa noutra biblitoeca integrante da área. Antes de crealas, comprobar que a subscrición é opcional.
      5. Actualizar as datas de dispoñibilidade das actividades no que respecta a data na que se pecha a proba e/ou se permiten respostas, para que coincida coa data do peche do curso. OLLO! Xa non se pechan as actividades, poñemos estas datas "tope" de dispoñibilidade.
3. O persoal co rol de alumnado deberá:
   1. Primeiro na aula de probas e despois na definitiva, revisar que na páxina principal da aula só pode ver/acceder aos contidos propios da súa titulación.
   2. Na aula de probas:
      1. Realizar todas as actividades, por se algunha non é correcta, está mal puntuada, non se entende, non ten relación coa súa titulación, non mostra as respostas correctas, da como correcta a que non é, etc.
      2. Comprobar que os Genially ofrecen a información correcta para a súa biblioteca e/ou titulación.
   3. Introducir os erros/incidencias que atope na aula no documento Incidencias 2ª ed. AVANZADO.xlsx e avisar á coordinación da aula en caso de que requira dun axuste inmediato.
4. O persoal do centro co rol de profesorado deberá:
   1. Na aula de probas:
      1. Revisar as entregas das compañeiras e compañeiros co rol de alumnado, para detectar posibles erros de configuración das tarefas e cuestionarios: non se ven os comentarios do profesorado, puntúan mal, o enunciado ou a resposta non se entende, etc.
      2. Comprobar que ten acceso á caixa de correo biblioteca.xxx.servizos@usc.es e probar a enviar algún correo ao persoal matriculado co rol de alumno, requirindo a corrección dalgún exercicio.
      3. Enviar un correo a través do Foro de novas, dirixido só ao alumnado da/s súa/s titulacións, p.ex. avisando da sesión presencial sobre Refworks.
   2. Introducir os erros/incidencias que atope na aula no documento Incidencias 2ª ed. AVANZADO.xlsx e avisar á coordinación da aula en caso de que requira dun axuste inmediato.
   3. Na aula definitiva, revisar frecuentemente as entregas das tarefas do alumnado que teña asignado. Recomendamos ordenar a visualización das entregas por data descendente e/ou filtrar polas que están pendentes de corrixir nos casos nos que o tipo de tarefa o permita.
5. A dirección da biblioteca de centro deberá:
   1. Comunicar ás coordinacións de área quen son as persoas responsables da titorización dos cursos CI no seu centro, e como desexa que participe a biblioteca no reparto de tarefas (se prefiren corrixir as entregas de todoo alumnado da/s súa/s titulación/, se aportan persoal para a corrección compartida por tareafs, etc.)
   2. Solicitar o antes posible ao CAU a alta na caixa de correo biblioteca.xxx.servizos@usc.es do seu centro para o persoal que titorice os cursos CI.
   3. Actualizar esta información na Intranet da BUSC/Caixas de correo.
   4. Cumplimentar o Excel 2024_25_Persoal BUSC_CeTA cos datos do persoal do centro que se quere matricular nas aulas definitivas, indicando o rol correspondente, antes do 21 de febreiro. Para facilitar a tarefa este Excel contén os datos do persoal matriculado co rol de alumno nas aulas modelo, pero este persoal pódese manter ou substituir, ou substituírlle o rol. Na columna C hai que indicar o rol co que se desexa matricular a cada persoa.
   5. No mesmo Excel, na pestana de Profesorado de Grao, cumplimentar os datos para o profesorado dos Graos aos que se lle queira dar acceso ás aulas, tamén antes do 21 de febreiro. O rol poderá ser como "alumnado" ou como "profesorado sen permisos de edición". Tende en conta que con este último rol recibirá os mesmos avisos/mensaxes no correo có persoal da biblioteca co rol de profesorado.