Coa aprobación da Resolución Reitoral que posibilita o recoñecemento dos créditos ECTS, abriuse a posibilidade de matrícula nos cursos CI a todo o alumnado de grao e posgrao, incluso ao PTXAS e ao PDI.
A aplicación actual de matrícula (Xescampus) non permite a discriminación automática do alumnado segundo a súa vinculación coa USC (alumnado, PTXAS ou PDI), polo que, unha vez dentro das nosas aulas CI, vémonos na necesidade de clasificar ao noso alumnado en Grupos, de cara a deseñar os itinerarios máis acaídos ás súas necesidades (por titulación, estilo de citación que precisa coñecer, etc.)
Para evitar a complexidade de cursos pasados respecto da escolla de grupo por parte do alumnado, e dado que no presente curso académico 25-26 minimizamos o número de aulas a ambos niveis -o que aumentou considerablemente o número participantes en cada aula-, solicitamos a colaboración do CeTA para a carga do alumnado en grupos, segundo a súa titulación. Para isto:
Finalizada a formación, o subgrupo FUBUSC Avaliación cruzará os datos para extraer as estadísticas habituais (alumnado por curso de 1º a 6º, nº aptos/as, etc.) Ver Recollida de datos estatísticos.
CUALIFICACIÓNS POR GRUPOS
Se queremos extraer as cualificación por titulacións teremos que facelo por grupos separados. Para iso:
Para a Proba final do nivel básico e para todas e cada unha das actividades do nivel avanzado, incluidas as Enquisas, temos que configurar os grupos como separados. Para iso imos aos Axustes / Configuración común do módulo / Modo de grupo / Grupos separados.
Feito isto, desde o menú de Cualificacións da aula, no despregabre Informe do cualificador / Máis escollemos Exportar. Das opcións de exportación escollemos Folla de cálculo Excel, e nas opcións para Grupos separados escollemos o grupo para o que desexamos exportar as cualificacións (se fora máis de un haberá que repetir o proceso tantas veces como grupos teñamos na aula).
|
O ficheiro do grupo Todos os participantes, reservarémolo como “copia de seguridade”, coa finalidade de salvagardar os datos globais e extraer a listaxe de persoas aptas no curso. Este ficheiro non debemos modificalo, senón traballar con tantas copias del como sexa necesario, conservando sempre a orixinal. Recoméndase crear unha carpeta na intranet da biblioteca para almacenar e preservar estes ficheiros. |
CUALIFICACIÓNS POR ACTIVIDADES
Cando interese descargar os resultados dalgunha actividade haberá que entrar en cada unha delas e exportar os resultados nun Excel.
Para as enquisas, a opción de exportación atoparémola na pestana Análise.
Entrando na actividade, no menú inferior, baixo as respostas do alumnado, aparece a opción Descargar en formato Excel.
Desde cada cuestionario, no menú Respostas atoparemos a posibilidade de descargar:
Os resultados das actividades de tipo tarefa non os descargaremos, xa que só nos interesa a cualificación global, e este dato pódese extraer das cualificacións por grupos no momento da recollida das estatísticas.
| No apartado de Recollida de datos estatísticos / Videtitoriais móstrase o paso a paso para extraer estes datos. |
|
As coordinacións traballarán co Excel do grupo “Todos los participantes” de cada aula. Recoméndase facer unha copia para manter a orixinal intacta, cos datos brutos extraídos de Moodle (a modo de copia de seguridade), xa que, como sabemos, o acceso ás nosas aulas non é perpetuo. Esta listaxe é de TODO o alumnado da aula, sen discriminar por titulacións nin por cursos. |
Descargado o ficheiro identificarémolo co nome “Nivel básico/avanzado 24/25_Cualificacións TOTAIS”, e darémoslle o seguinte tratamento:
1) Trasladaremos a columna dos apelidos á 1ª posición. Para iso, cortaremos a columna B e a inseriremos (botón dereito, inserir celas cortadas) diante da 1ª columna. Así visualizaremos os apelidos como 1º dato, para maior comodidade. Tamén eliminaremos a última columna, xa que non aporta información relevante. No seu lugar nomearemos esa columna como APTITUDE, e reservarémola para consignar o dato APTA/O ou NON APTA/O.
Cómpre crear un despregabre do que seleccionar a opción de aptitude, xa que haina que escribir sempre da mesma maneira para que Excel poida facer automaticamente o reconto estatístico. Para iso, seleccionamos a columna e prememos en Validación de datos (menú de ferramentas) e, na opción Lista, escribimos as dúas alternativas separadas por unha coma "Apta/o, Non apta/o". (** Algunhas versións de Excel empregan punto e coma ";" e lugar da coma ",").
2) Para o nivel avanzado, seleccionaremos as columnas correspondentes as actividades requiridas para o apto no curso: busca de información e citas, e a correspondente á nota final do curso, e lle aplicaremos un Formato condicional, resaltando as celas cun valor inferior a 50. Isto axudaranos a detectar ao alumnado que non superou estas tarefas (Non apto).
Seguindo as pautas que vemos na imaxe -exemplo de formato condicional-, a táboa presentará esta aparencia, destacando en vermello os exercicios suspensos:
3) Seleccionaremos agora toda a táboa e aplicaremos o mesmo formato, pero desta vez para as celas con valor igual ao guión “-“, para que destaque as actividades que o alumnado non realizou. Isto axudaranos a detectar ao resto do alumnado Non apto (sen actividade e abandonos) dunha ollada.
Pode ser útil aplicar o formato condicional á columna "Apto/Non apto" para destacar aos "Non aptos" se nos interesa identificar a este grupo de alumnado.
****ALUMNADO ECTS: Este alumnado deberá ter cualificada a Proba final no nivel básico, ou ben, hai que proceder a identificalo no Excel antes de facer nada máis, sombreándoo cunha cor, para que non pase desapercibido e lle poñamos "Non apto" por erro. A nivel avanzado só lle aparecerá realizada a tarefa do M1, polo que cómpre tamén identificalo para evitar cualificalo como "Non apto".
4) Unha vez feito este tratamento, procederemos a asignar as cualificacións de aptitude, tal como describimos no paso 1. Esta listaxe serviranos de base para cubrir as actas cando se abra o prazo desde Xestión Académica. (Ver apartado Actas oficiais). Trasladeremos como persoas aptas a aquelas que teñan nesta columna a consideración de Apto/a.
Os centros que teñan o curso CI vinculado a unha materia e, polo tanto, deban enviar as cualificacións obtidas polo alumnado ao profesorado desa materia, necesitan unha listaxe na que consten Apelido, Nome, Nota media e Aptitude deste alumnado.
A listaxe do apartado anterior non é válida, xa que empregamos aulas compartidas por todas ou por varias titulacións, polo que haberá que preparala, aplicando filtros por titulacións. Cada centro deberá traballar cunha copia desta listaxe, para evitar ao máximo as posibles perdas ou modifcacións "involuntarias" de datos.
|
Na medida do posible, debemos evitar enviar a un profesor os datos dun estudante ao que non imparte docencia. Cómpre, ademais, ser coidadosos coa protección de datos de carácter persoal. |
Unha vez a biblioteca de centro dispoña da súa copia deberá:
|
Para o nivel avanzado é recomendable facer unha descarga das cualificacións cando falte unha semana para o remate do curso, xa que facilita poder detectar persoas con algún exercicio sen facer e avisarlles pola mensaxería, tendo en conta que os exercicios que estean sen corrixir por parte dos titores aparece cun guión nas cualificacións, pero o alumno/a entregou a tarefa! Desta forma evitaremos ter que suspender a algunha persoa que deixou un exercicio ou dous sen facer. |
Para isto, descargaremos un ficheiro coas cualificacións de Todos os participantes e lle aplicaremos un formatado condicional, seguindo as pautas do apartado 3. Preparar as listaxes do alumnado apto.
As aulas compartidas por varios centros poden repartir este traballo descargando os ficheiros por grupos (titulacións) en lugar de facelo para todos os participantes. Desta forma, cada biblioteca pode revisar as cualificacións do alumnado "propio" e requirirlles as entregas ou correccións que estimen necesarias.
O traballo de recompilación de datos estatísticos é tarefa do subgrupo FUBUSC Avaliación, aínda que se precisa da colaboración dos centros para determinadas fases do proceso. Ver Recollida de datos estatísticos.
Para saber como extraer da tos coas fórmulas BUSCARX e CONTAR.SI.CONXUNTO pódese consultar o Manual CI da BUSC.
Para o curso 25/26 publicaremos só 5 listaxes de aptos:
Unha vez identificado no Excel o alumnado que obtivo o apto no curso as coordinacións trasladarán a relacións destas persoas a un documento de Word, que deberá ter os seguintes elementos:
Elaborado o documento de Word, as coordinacións pasarano a formato PDF para publicalo na aula a través do Foro de Novas (ver Mensaxes tipo do foro correspondente a cada nivel).
Desde FUBUSC / Coordinación pódese descargar este documento modelo e adaptalo.
