Acordos Transformativos

No ámbito da USC, os acordos transformativos asinados coas diversas editoriais supoñen o cumprimento de requisitos e compromisos por parte das persoas autoras das publicacións.

Requisitos para solicitar o pagamento de APC:

• Pertencer á USC.
• Empregar a conta de correo institucional da universidade.
• Ser autor ou autora de correspondencia da publicación obxecto de financiamento.

Os autores e as autoras comprométense a que as publicacións cumpran as seguintes condicións:

• Incluirán sinatura coa afiliación e correo electrónico da universidade, segundo a normativa oficial aprobada pola USC.
• Depositaranse no repositorio institucional MINERVA

Ademais é recomendable que as publicacións leven un texto de agradecemento mencionando a USC e o CISUG.

Exemplo: "Funding for open access charge: Universidade de Santiago de Compostela/CISUG".

• O autor ou autora de correspondencia do artigo remite o manuscrito a través do sistema de publicación da revista. 
• A publicación realízase en acceso aberto, baixo licenzas Creative Commons, sen prazos de embargo.
• Aceptada a publicación polo editor, a biblioteca recibe unha comunicación para validar a solicitude en función dos requisitos.
• As solicitudes tramitaranse por orde de chegada ata acadar os tokens ou o orzamento de APCs dispoñibles.
• Non se establece un límite de APCs que pode solicitar cada autor/a ou grupo de investigación.