Ir ao contido principal

Acordos Transformativos

Características do A.T.

 

As tres universidades galegas, a través do CISUG, asinaron en decembro de 2020 un contrato coa Oxford University Press (OUP) que dá acceso á lectura de todas as revistas con modelo de subscrición da editorial. Ademais, permite a publicación en Acceso aberto tanto nas revistas híbridas (combinan artigos baixo subscrición e en acceso aberto) coma Gold OA.  


Características do modelo:

  • O modelo cobre o 100% das taxas de publicación (APC) para un número limitado de artigos por ano. 
  • A data de aceptación do artigo debe estar comprendida entre o 1/1/2024 e o 31/12/2024. 
  • Tipoloxía documental aceptada: 
    • Artigos de investigación
    • Artigos de revisión
    • Actas de congresos
  • Permítese a publicación nas revistas Fully OA e híbridas da OUA.
  • Tipos de licenzas Creative Commons que se poden empregar:
    • CC-BY
    • CC-BY-NC
    • CC-BY-NC-ND
  • É obrigatorio empregar o correo electrónico da USC.

Listaxe revistas elixibles

Procedemento de solicitude

 

     

  • O/A autor/a de correspondencia identificarase coa afiliación da USC e empregará a conta de correo institucional.
  • Aceptado o manuscrito trala revisión por pares, o/a autor/a recibirá un correo do equipo de produción da OUP cunha ligazón ao sistema en liña de licenzas e pago das APC.
  • O procedemento é que indica na infografía e que se resume en cinco pasos:
  1. Acceder ao sistema como usuario de Oxford Academics ou rexistrar unha conta nova.
  2. Seleccionar o tipo de licenza  e aceptar os termos.
  3. Confirmar o acordo de copyright e a xestión dos pagos (poden existir outros cargos de edición ademais dos APCs).
  4. Escoller a opción "Consorcio interuniversitario do Sistema Universitario de Galicia" no selector "Open Access Prepayment Account" e seleccionar "Refer Charges". 
  5. Proporcionar información do/a autor/a de correspondencia e detalles sobre o financiamento da investigación (introducir N/A se non aplica) e premer en "Complete Referral" para enviar.

 

Para calquera dúbida sobre os requisitos ou o procedemento para solicitar os descontos nas APCs para publicar en acceso aberto, o enderezo de contacto é accesoaberto@grupos.nube.usc.gal

Actualmente, OUP está en proceso de cambio a un novo portal de licencias e pagos en línea (SciPris). Pode darse o caso que, durante esta fase, os autores deban seguir unhas indicacións diferentes, reflectidas nesta guía paso a paso