Para poñer a disposición da comunidade científica os datos de investigación é preciso seguir unha serie de recomendacións:
-
Escoller os datos a depositar, limpalos e procesalos en bruto.
-
Crear unha copia mestra do dataset definitivo para asegurar a súa integridade.
-
Decidir que datos estarán accesibles ao público. Para iso, hai que ter en conta o marco legal que afecta aos datos de investigación: propiedade intelectual, confidencialidade, privacidade e protección de datos de carácter persoal.
-
Anonimizar os datos de carácter persoal. Existen ferramentas que permiten borrar os datos de información identificativa como nomes, data de nacemento, documento de identidade, etc. Máis información no documento K-anonimidad como medida de la privacidad, da Axencia Española de Protección de Datos.
-
Depositar os datos nun repositorio xunto á documentación necesaria para facilitar a súa reutilización. É necesario ter en conta a área temática do repositorio, a súa capacidade de almacenamento, a facilidade para a recuperación de datos, comprobar se asigna un identificador único e persistente para cada conxunto de datos e poder establecer, segundo conveña, un período de embargo e a licenza de uso que se quere outorgar.
-
Achegar os metadatos precisos para a creación e recuperación do rexistro no repositorio.
-
Se se publican os resultados da investigación nunha publicación científica, é necesario que se dea un DOI que enlace cos datos depositados no repositorio.
Nas seccións seguintes describirase este proceso de depósito.
