Google Académico é un buscador consolidado. Ademais de indizar unha gran cantidade e variedade de documentos de carácter científico, ofrece outros servizos de interese. Un deles é a recollida das diferentes versións dun documento nun único rexistro e ofrecer as citas recibidas. Outro dos servizos é a creación de perfís de autoría.
Só a través da creación dun perfil as persoas autoras poden facer un seguimento das citas recibidas e as métricas que Google Académico ofrece. Tendo en conta que Google Académico analiza artigos de revista, teses, libros, capítulos de libros e outros tipos de documentos que non son indizados por outros servizos de citación como Web of Science ou Scopus, convértese nunha fonte interesante para atopar citas.
Un perfil de autoría é un sistema de identificación e agrupamento de información mediante o cal aparecen nunha única páxina web:
Cando unha persoa autora ten creado un perfil e o establece como “Público” o seu nome aparece integrado no buscador. Así, ao facer unha busca en Google Académico, o seu nome aparece de xeito diferenciado como primeiro resultado da busca.
Tanto a persoa autora como a institución poden beneficiarse deste servizo:
Perfís e identificadores facilitan a identificación das persoas autoras, eliminan ou mitigan a posibilidade de erros na asignación de publicacións e favorecen a xestión da identidade dixital.
Entre os perfís máis completos:
