Para acceder á páxina principal do teu perfil, entra a “Mis citas” (Google Scholar Citations).
A URL do teu perfil pode engadirse á firma de correo institucional ou consignarse nas webs doutros identificadores. Así damos unha visión unificada de todos os perfís.
As actualizacións configuranse inicialmente no proceso de rexistro. Se se queren modificar as opcións de actualizacións pódese facer en todo momento dende o menú do perfil. Se os teus apelidos son frecuentes e hai posibilidade de homonimia, é importante que desmarques a opción de "Aplicar actualizaciones automáticamente".
Isto é porque Google, de xeito automático, rastrexa publicacións e engádeas ao teu perfil cando detecta apelidos semellantes ao teu.
Por iso é mellor escoller a opción "Enviarme actualizaciones por correo electrónico para que las revise".
Podemos recibir alertas dos temas que nos interesen. Accedemos ao menu de “Alertas” e indicamos un tema en “Consulta de alerta”
É posible recibir un aviso cando alguén siga o noso perfil ou cando se nos cite. Na opción “Seguir” ofrécense varias opcións para estar ao día da información dun determinado perfil (Seguir a este autor):
Para exportar a información bibliográfica das publicacións. Os formatos de exportación dispoñibles son: BibTeX, EndNote, RefMan e CSV.
Son diferentes opcións que permiten a importación a programas de xestión da bibliografía.
Tamén son aptos para exportar as referencias a outros identificadores, co conseguinte aforro de tempo.
Consulta a Guia de ORCID para exportar de Google académico a ORCID.
Unha vez que entras no teu perfil podes marcar os documentos que che interesen para lelos máis tarde coa etiqueta Lista de lectura. Simplemente tes que premer na icona da estrela que aparece baixo o resultado da busca. Poderás acceder a eles a través de "Mi biblioteca".
Se accedes dende o campus poderás ir dende un resultado de Google Académico á busca directa no propio catálogo e/ou bases de datos subscritas pola biblioteca. Tes que premer na ligazón "Catálogo Iacobus". É posible que se che soliciten as claves da túa conta institucional para acceder ao contido.
Se accedes desde fóra do campus deberás configurar a túa conta para obter o mesmo resultado. No menú de Configuración debes premer na opción "Enlaces de Bibliotecas". Para engadir a túa debes escribir na caixa de busca. Para a Biblioteca da Universidade de Santiago, abonda con teclear Iacobus.
