ORCID

Para asegurarse a súa correcta identificación dixital, inclúa o seu identificador ORCID en calquera fluxo de traballo de investigación:

• Nas solicitudes de proxectos de investigación e outras convocatorias
• No CV ou  como sinatura no correo electrónico
• Nas páxinas web persoais, redes sociais ou plataformas de tipo científico
• No envío de traballos para a súa publicación, pósteres científicos, achegas a congresos etc.

 
Facelo é moi doado. O primeiro paso é iniciar a sesión no seu rexistro ORCID e premer en “Mostrar su ID en otros sitios".

Para inserilo na súa páxina web, copie e pegue o código html que se xera.

Para inserilo na sinatura do correo electrónico:

1. Descargue a icona ORCID aquí. (Gardar imaxe como).
2. Entre na súa conta ORCID.
3. En Outlook, cree unha nova mensaxe e vaia a lapela "Firmas" para editar a súa sinatura.
4. Engada, co botón "engadir imaxe", a icona ORCID.
5. A continuación copie a ligazón que aparece debaixo de Vista previa no seu perfil.
6. Garde os cambios.

Para obter unha versión do rexistro ORCID público para imprimila ou gardala, premendo en "Vista de impresión de registro público".

Un código QR é unha imaxe lexible por máquina que contén información, como por exemplo a URL dunha páxina persoal. O código QR do seu Iidentificador é único para vostede e está ligado ao seu perfil en ORCID.

• Entre na súa conta  ORCID e prema en "Obtenga un código QR para su iD"

• Na nova páxina, prema en "Haz clic para descargar tu código QR".

Desta maneira obterá o código QR do seu identificador ORCID, que contén a URL do seu perfil. Calquera que o lea cun lector de QR accederá á páxina do seu perfil público.