Se desexa que a Biblioteca revise e actualice as publicacións que ten no seu perfil ou incorpore toda a súa produción científica en ORCID, pode facelo vinculando a súa conta coa da Biblioteca.
A delegación de contas realízana os propios investigadores, é voluntaria e temporal; non é preciso facilitar o seu contrasinal ORCID á Biblioteca.
1. Acceda ao portal ORCID.
2. Entre na súa conta mediante as súas claves de acceso.
3. Prema na opción configuración da conta situada no menú superior.
4. Localice a opción chamada "Personas de confianza" entre as opcións de configuración que se lle ofrecen.
5. Utilice o buscador ingresando no cadro de busca a dirección de correo electrónico da persoa de confianza.(Consulte na súa biblioteca).
6. Prema en Agregar, no cadro emerxente, para confirmar a delegación da conta na persoa de confianza .
Unha vez que remata o traballo de revisión da súa conta ORCID por parte da biblioteca, vostede pode anular a autorización delegada. Para facelo, acceda á súa conta ORCID, prema na opción de configuración da conta situada no menú superior, localice no apartado Persoas de confianza o nome da biblioteca vinculada e prema a icona da papeleira.
