BUSC - Procedementos de traballo

Este procedemento é parte do compromiso da Biblioteca coa difusión das actividades de BUSC. A creación de guías en LibGuides asegura que o contido das exposicións físicas non se limite ao espazo temporal da súa exhibición, ampliando a súa utilidade e accesibilidade para toda a comunidade universitaria e público interesado.

Por isto é obrigatorio para o persoal responsable dunha exposición física na Biblioteca universitaria elaborar unha guía en LibGuides sobre a mesma, co obxectivo de proporcionar acceso permanente á información, aos recursos e aos materiais relacionados coa exposición, ampliando así o seu alcance e garantindo o acceso dixital para toda a comunidade universitaria.

Este procedemento está restrinxido a aquelas exposicións, mostras,... que afecten á BUSC en xeral, tanto polas coleccións expostas, como pola súa temática, os seus obxectivos ou alcance.

Non se elaborarán guías para exposicións pequenas cun alcance limitado a unha biblioteca de centro, salvo excepcións relacionadas coa calidade da exposición que serán valoradas de xeito individual.

Para garantir a uniformidade e a calidade das guías, utilizarase o padrón previamente creado en LibGuides para este fin.

Este padrón inclúe os seguintes elementos (obrigatorios ou opcionais, segundo o caso):

• Cartel da exposición (páxina obrigatoria):
  • Uso de imaxe de calidade (800-1200 px)
  • Formato JPG ou PGN
  • Peso menor que 1 MB
  • Poderá engadirse texto para completar a información
• Introdución (páxina obrigatoria):

  • Breve descrición, que permita entender a importancia e o interese da exposición.

  • Pode incluír aspectos como: título e subtítulo: frase breve que resuma o espírito da exposición ou mostra, explicación sinxela sobre o enfoque principal, obxectivo: que busca transmitir ou lograr a mostra, relevancia, datas, horario, lugar...

• Táboa de contidos (páxina obrigatoria):
  • Trátase de proporcionar o índice de contidos da guía, cun enlace a cada un dos seus apartados e subapartados principais. (ver instrucións na Guía de uso de reBUSCa)
• Obras expostas (páxina obrigatoria):
  • Galería de imaxes coas portadas dos libros ou outros materiais expostos (artigos, imaxes ou outros recursos relevantes).
• Outras imaxes da exposición (páxina optativa):
  • Outras imaxes de momentos destacados da exposición: inauguración, entrevistas, público...
• Outros (páxina optativa):
  • Poden engadirse outras páxinas para incluír información sobre cuestións como: contexto histórico ou cultural , actividades complementarias (talleres, charlas, visitas), bibliografía, enlaces a bases de datos, multimedia...
• Créditos e agradecementos: Mención ao persoal implicado na organización e elaboración da exposición.
• Contacto (páxina obrigatoria):
  • Información de contacto da biblioteca ou servizo que organiza a exposición para consultas adicionais.

• Prazo de elaboración

É recomendable que a guía se publique inmediatamente despois da inauguración da exposición física. É responsabilidade da persoa ou equipo organizador garantir que a guía se atope dispoñible.

• Revisión e aprobación

Unha vez completada a guía, esta deberá ser revisada pola persoa designada para supervisar o contido das LibGuides. O obxectivo é asegurar a calidade e a adecuación do contido antes da súa publicación.

• Seguimento

Ao finalizar a exposición, é recomendable revisar o contido da guía,  e se fose necesario incorporar nova información recollendo datos sobre o número de visitas, imaxes posteriores a inauguración,....

• Publicación da guía da exposición

Estas guías publícanse co status de "Privadas" para que non aparezan na listaxe alfabética de reBUSCa. A biblioteca conta coa guía Exposicións da BUSC, na que aparece a listaxe cronolóxica deste tipo de actividades. Unha vez revisada a guía dunha exposición debe enviarse un correo-e ás Subdireccións da BUSC para que a agreguen a esta listaxe, proporcionando: o título da mostra, as datas nas que tivo lugar, e a URL amigable da guía.

• Formación e apoio

Para facilitar a elaboración destas guías, ofrecerase formación periódica sobre o uso de LibGuides ao persoal implicado. Ademais, o equipo técnico da BUSC en LibGuides estará dispoñible para resolver dúbidas ou proporcionar asistencia técnica no proceso de creación.

A BUSC ofrece, asimesmo, unha Guía de uso de reBUSCa e un Manual de estilo, de consulta recomendada antes de realizar calquera guía de LibGuides.