BUSC - Procedementos de traballo

Pautas para atender consultas de documentación de arquivo con datos persoais

Para consultar documentos de arquivo con datos persoais, como é o caso das sinaturas GaosC, GaosG e GaosE na B. Xeral, as persoas usuarias deben asinar un "Compromiso para a consulta de documentos"   cando os datos están suxeitos a confidencialidade.

Están suxeitos a confidencialidade:

1. Os datos persoais sensibles (orixe étnica ou racial, opinións políticas, conviccións relixiosas ou filosóficas, afiliación sindical, datos xenéticos, biométricos, relativos á saúde, vida ou orientación sexuais).

Estes datos deben ser confidenciais ata:

• 25 anos despois do falecemento da persoa implicada se se coñece a súa data de falecemento
• 50 anos, despois da data do documento, se non se coñece a data de falecemento da persoa implicada

2. Os datos persoais non sensibles (que poden aparecer, por exemplo, en documentos bancarios, facturas ...)

Estes datos deben ser confidenciais ata:

• 30 anos despois da data do documento

Por razóns de investigación poden consultarse estes documentos con datos persoais suxeitos a confidencialidade sempre e cando os resultados da investigación que se publiquen non identifiquen os nomes das persoas implicadas.
Segundo o "Compromiso para a consulta de documentos" que deben asinar as persoas investigadoras nestes casos, será necesario facer petición por escrito á Dirección da BUSC (biblioteca.universitaria@usc.gal) para calquera tratamento ou utilización distinta a consulta con fins de estudo e investigación, como publicación, difusión pública por calquera medio ou transformación, así como para para obter copias da documentación consultada.