É responsabilidade da dirección da biblioteca realizar os cambios pertinentes nas aplicacións da BUSC, sempre que teñan lugar altas, baixas ou cambio de lugar de traballo do persoal ao seu cargo.
Actuacións a realizar polos/as directores/as e/ou xefes/as de servizo coa incorporación de novo persoal á BUSC:
Para que a ATIC faga a carga dunha nova persoa usuaria en ALMA, debe ter a TUI activada. Para activar a TUI é preciso a captura dunha fotografía, que pode facerse en calquera dos Puntos de Atención, Información e Servizos (PAIS). Unha vez activada poderá descargar a TUI no móbil, na app da USC. A ATIC cargará o novo rexistro de persoa usuaria en ALMA.
Comunicar calquera incidencia ó CAU: cau@usc.es
Incorporar o/a novo/a traballador/a ao grupo da biblioteca correspondente é imprescindible para que poida acceder á intranet.
Dende a Intranet da BUSC, acceder ás intranets das bibliotecas; na correspondente á súa biblioteca, na zona superior dereita, premer na opción membros:
E engadir novo membro:
A continuación engadir o nome ou enderezo de correo do/a novo/a traballador/a.
As altas de persoal serán comunicadas polas direccións das bibliotecas ao seguinte enderezo: buscxestioncomunicacion@grupos.nube.usc.gal
Á ferramenta Drupal Xestión Web da BUSC accédese coas credenciais da USC. A BUSC conta cun servidor de probas e un de produción. En ámbolos dous cada director/a de biblioteca ten permisos de edición no nodo correspondente ao seu centro.
Os cambios no directorio da biblioteca fanse na lapela correspondente a Directorio:
Cada biblioteca de centro dispón de dúas caixas de correo para a comunicación coas persoas usuarias da biblioteca. Unha caixa xenérica do tipo: biblioteca.xxxxxxxxxx@usc.gal (asociada en ALMA ás comunicacións relacionadas con Adquisicións) e outra de servizos do tipo: biblioteca.xxxxxxxx.servizos@usc.gal (asociada en ALMA ás comunicacións relacionadas con préstamos, devolucións, reclamacións, solicitudes...). Ademais a BUSC e algúns servizos da Biblioteca Xeral teñen caixas de correo vinculadas á súa actividade.
Os cambios do persoal asociado a cada caixa de correos:
Nos casos en que sexa necesario, haberá que solicitar acceso para o/a traballador/a como membro dos grupos da BUSC dos que teña que formar parte para a realización do seu traballo.
Comunicar os cambios no enderezo: buscxestioncomunicacion@grupos.nube.usc.gal
Se é o caso, actualizar a información e os permisos para a xestión das redes sociais da súa biblioteca.
Se a persoa responsable da biblioteca ou servizo usa listaxes de contacto para comunicarse co persoal ao seu cargo debe actualizar a información nas listaxes do seu correo institucional.
Se comparte calendarios co resto do persoal da súa biblioteca ou servizo, actualizar os permisos.
Se fose o caso, solicitar credenciais para acceder a Dialnet no enderezo: biblioteca.universitaria.revistas@usc.es.
No caso das bibliotecas de centro é recomendable comunicar aos/ás decanos/as os cambios de persoal na biblioteca, solicitando a actualización do directorio da Facultade, do persoal nos equipos de emerxencia, etc.
Actualizar se a biblioteca ou o servizo utiliza estes canais de comunicación cos/as traballadores/as.
Actuacións a realizar polas direccións e xefaturas de servizo coa baixa de traballadores/as na biblioteca:
Eliminar o/a traballador/a do grupo da biblioteca correspondente.
Dende a Intranet da BUSC, acceder ás intranets das bibliotecas; na correspondente á súa biblioteca, na zona superior dereita, premer na opción membros:
E eliminar o/a traballador/a que xa non forma parte do seu grupo de biblioteca.
As baixas de persoal serán comunicadas polas direccións das bibliotecas ao seguinte enderezo: buscxestioncomunicacion@grupos.nube.usc.gal
Á ferramenta Drupal Xestión Web da BUSC accédese coas credenciais da USC. A BUSC conta cun servidor de probas e un de produción. En ámbolos dous cada director/a de biblioteca ten permisos de edición no nodo correspondente ao seu centro.
Os cambios no directorio da biblioteca fanse na lapela correspondente a Directorio.
O directorio debe reflectir o persoal que traballa na biblioteca en cada momento:
Cada biblioteca de centro dispón de dúas caixas de correo para a comunicación cos/as usuarios/as da biblioteca. Unha caixa xenérica do tipo: biblioteca.xxxxxxxxxx@usc.gal (asociada en ALMA ás comunicacións relacionadas con Adquisicións) e outra de servizos do tipo: biblioteca.xxxxxxxx.servizos@usc.gal (asociada en ALMA ás comunicacións relacionadas con préstamos, devolucións, reclamacións, solicitudes...). Ademais a BUSC e algúns servizos da Biblioteca Xeral teñen caixas de correo vinculadas a súa actividade.
Os cambios do persoal asociado a cada caixa de correos:
Nos casos en que sexa necesario haberá que solicitar a baixa para o/a traballador/a como membro dos grupos da BUSC dos que formaba parte para a realización do seu traballo.
Comunicar os cambios no enderezo: buscxestioncomunicacion@grupos.nube.usc.gal
Se é o caso, actualizar a información e os permisos para a xestión das redes sociais da súa biblioteca.
Actualizar a información nas listas de contacto no seu correo institucional.
Se comparte calendarios co resto do persoal da súa biblioteca ou servizo, actualizar os permisos.
Se fose o caso, solicitar a baixa de credenciais para o acceso a Dialnet no enderezo: biblioteca.universitaria.revistas@usc.es.
No caso das bibliotecas de centro é recomendable comunicar aos/ás decanos/as os cambios de persoal na biblioteca, solicitando a actualización do directorio da Facultade, do persoal nos equipos de emerxencia, etc.
Actualizar se a biblioteca utiliza estes canais de comunicación cos/as traballadores/as.
No caso de cambio de biblioteca ou servizo dunha persoa traballadora da BUSC, os/as directores/as das bibliotecas afectadas deben realizar as correspondentes actualizacións:
Altas persoal BUSC
Baixas Persoal BUSC
O/A director/a da biblioteca onde vaia traballar o ATB correturnos debe solicitar a asignación dos roles necesarios para poder traballar nos mostradores de préstamo de Alma. Os roles deben pedirse no enderezo: busc-alma-persoal@grupos.nube.usc.gal.
