Iacobus - Guía rápida

As persoas usuarias que non pertenzan á comunidade universitaria, e polo tanto non teñan credenciais, poden obter unha carta de lector/a da BUSC previa presentación dunha foto e D.N.I., e acreditación de estar nalgún dos seguintes casos:

•  Ser ex-membro da comunidade universitaria da USC.
•  Ser na actualidade PDI, PAS ou estudante dalgunha universidade.
•  Ser estudante de Bacharelato Internacional (convenio Xunta de Galicia).
•  Pertencer a algunha entidade coa que a USC teña asinado un convenio para a utilización do servizo.

En calquera outro caso poderase presentar unha solicitude na Biblioteca, en calquera punto de servizo ou no enderezo: biblioteca.xeral.servizos@usc.gal, xustificando a necesidade de facer uso dos seus fondos mediante préstamo.

As persoas usuarias externas autorizadas deben xerar un contrasinal a primeira vez que utilicen Iacobus.

O Id de usuario/a será o código de barras proporcionado na carta de lector/a obtida nos mostradores de préstamo no momento do rexistro.

Para xerar o contrasinal debe seguir estes pasos:

1. Facer clic na opción "Usuarios externos autorizados" da pantalla de inicio de sesión.

2. Facer clic en "Esqueceu o contrasinal?" da pantalla seguinte:

3. Na pantalla seguinte introducir o "Código de barras" da carta de lector/a onde di: Identificador primario

4. Picar en Enviar.

5. Recibirá no seu correo electrónico (que debeu proporcionar no momento de rexistrarse como usuario/a externo/a) unha ligazón para escoller un contrasinal.