Iacobus - Guía rápida

Iacobus agora é non só o catálogo da Biblioteca Universitaria, senón tamén unha ferramenta de descubrimento que permite buscar dende un mesmo punto:

• No catálogo da BUSC
• No repositorio Minerva
• Nas bibliografías recomendadas
• En todos os recursos electrónicos da BUSC
• No Índice Central de Descubrimento

Todas as opcións de busca de Iacobus así como as ligazóns a outras buscas ou servizos poden verse no menú superior de navegacion e a navegación estendida que aparece ao facer clic nos tres puntos:

O catálogo Iacobus ofrece tres vistas diferentes:

1. Principal: É á que se accede por defecto. Permite a busca simple ou avanzada en todos os recursos da BUSC, ou restrinxir ao catálgo, a recursos electrónicos, bibliografía recomendadas, Fondo Galicia, Teses, etc., aplicar filtros, e empregar as funcionalidades propias da conta persoal como solicitar fondos, comprobar os préstamos, renovalos, crear alertas, etc.
2. Fondo Patrimonial: Accesible desde o menú superior de navegación, facilita a consulta sobre este tipo de fondo, formado por coleccións de manuscritos, incunables e obras impresas entre os séculos XVI e XIX así como por outros materiais (mapas, gravados, etc.) que polo seu valor requiren de especial conservación e coidado.
3. Biblioteca América: Accesible tamén desde o menú superior de navegación, facilita a consulta sobre a colección de libros, folletos, obxectos e mostras culturais do continente americano reunidas, en orixe, por Gumersindo Busto. Esta Biblioteca, localizada no Pazo de Fonseca, xunto á Biblioteca Xeral, é un dos sinais de identidade da Biblioteca Universitaria.