FAQs BUSC

Si, utilizando o servizo de Préstamo interbibliotecario pódense pedir libros, artigos de revista e capítulos de libros.

Están excluídos do préstamo interbibliotecario:

• os libros en soporte electrónico (pódense solicitar partes de libro -capítulos- pero non libros completos).
• libros de uso en sala (nas mesmas condicións que os libros-e).

Calquera persoa pode utilizar este servizo, tendo en conta que pode estar suxeito ás tarifas aprobadas polo Consello Social da USC.

As persoas pertencentes á comunidade universitaria da USC poden beneficiarse da gratuidade deste servizo.

O servizo de préstamo interbibliotecario é gratuíto para as persoas vencelladas á USC (alumnado, PDI e PTXAS). Os límites, prezos e excepcións para quen non pertenza á comunidade universitaria están aprobados polo Consello Social da USC e poden consultarse en tarifas.

Toda a comunidade universitaria: PDI, PTXAS e alumnado da USC, coas seguintes limitacións:

• 100 documentos máximo por persoal docente e investigador e ano, incluíndo ao alumnado de doutoramento e máster
• 25 documentos por membro do PTXAS e ano
• 25 documentos por estudante de Grao e ano

A biblioteca asume o custo do servizo sempre que o importe non exceda de 100 € por petición para dixitalizacións, e 50 € por petición de préstamo de orixinais. De sobrepasar estes importes, farase cargo a persoa usuaria ou o departamento ao que pertenza.

Estes termos poden sufrir variacións, polo que se recomenda comprobar as tarifas vixentes no momento da solicitude.

Pódese facer por tres medios:

• a través do formulario de solicitude que figura no sitio web usando as credenciais da USC
• a través do correo  fotprest@usc.gal
• na biblioteca do seu centro.

Deberán consultarse na biblioteca, no espazo ou sala que se indique e durante o prazo de tempo que estableza a biblioteca prestataria.