Scopus ofrece a posibilidade de utilizar os datos do perfil de autor noutras plataformas, como por exemplo ORCID.
Cando un ORCID está asociado a un perfil de Scopus, os usuarios poden ver a ligazón a ese ORCID na páxina de detalles do autor.
Con todo, hai que ter en conta que conectar o perfil a unha conta ORCID non crea un fluxo automático de Scopus a ORCID ou viceversa. O usuario ten que exportar de xeito regular os documentos recentemente indexados en Scopus. Para isto:
1. Iniciamos sesión co rexistro de usuario e accedemos ao perfil
2. Pulsamos "Connect to ORCID", o que iniciará a sesión en ORCID ou permitirá rexistrarse seguindo as instruccións que se nos dan en pantalla. Unha vez iniciada a sesión en ORCID, podemos completar o proceso de importación. 
3. Na seguinte pantalla, pulsamos "Start".
4. Seleccionamos a forma da sinatura que aparecerá como nome principal no perfil.
5. Seleccionamos as publicacións que se queren pasar desde o perfil de Scopus ao de ORCID marcando o símbolo verde de check. 
6. Revisamos tanto as publicacións como a información que se vai pasar dun perfil ao outro e pulsamos "Next".
7. Introducimos o enderezo electrónico nos dous cadros de texto que aparecen e prememos "Send Author ID".
8. Por últmo, enviamos as publicacións a ORCID clicando en "Send my publicatrion list".
