O uso é moi sinxelo: só hai que escribir unha pregunta o máis clara e detallada posible sobre temas académicos ou científicos no cadro de busca. É recomendable usar palabras clave e evitar preguntas demasiado xenéricas.
Exemplos:
Podes usar os filtros para delimitar a túa pregunta usando a icona de refinamento (por tipo de documento, por data, só recursos dispoñibles en liña) ou escribindo a restrición directamente na pregunta.
Exemplo: "Artigos publicados entre 2019 e 2024 sobre cambio climático."
Ademais de permitir seleccionar filtros dende a icona de refinamento, tamén permite incorporar filtros na pregunta de investigación. Poderiamos preguntar, por exemplo, "Inflúe a intelixencia artificial na creatividade dos estudantes? libros dos últimos 5 anos". Ao lanzar a busca os filtros aparecerán incorporados no menú de refinamento:
O asistente acepta preguntas en calquera idioma, que serán traducidas automaticamente ao inglés para buscar mellores resultados no ICD. As respostas serán xeralmente no idioma no que se fixo a pregunta, e as referencias estarán no idioma no que se atope na base de datos do ICD.
Tras introducir unha pregunta na caixa de busca, o Asistente de Investigación da Biblioteca devolve unha resposta estruturada en varias seccións:
FontesO Asistente selecciona até cinco fontes dispoñibles a texto completo que considera relevantes para responder á pregunta. Aparecen en bloques azuis separados, indicando: tipo (artigo, libro, tese), título, autoría e ano de publicación.
As fontes serán accesibles cando estean en acceso aberto ou subscritas pola biblioteca. Se non é así poden solicitarse a través do Servizo de Préstamo Interbibliotecario e Fotodocumentación da BUSC.
Ao premer sobre unha fonte, aparece o resumo xunto con algunhas opcións engadidas:
Relanzar a busca no catálogo da BibliotecaAo premer neste enlace desencadéase unha procura no catálogo Iacobus a partir da pregunta formulada. Adoita ser extensa e producir ruído documental (utiliza todos os termos da pregunta), pero sempre se pode reescribir e/ou refinar mediante facetas, filtros e as demais funcionalidades habituais do catálogo. Podes consultar a guía relativa a Iacobus para máis información.
Información xeral das fontesÉ a resposta elaborada polo Asistente de Investigación á pregunta realizada por nós a partir das fontes que seleccionou. Cada unha das fontes seleccionadas é referenciada no texto a través do número preasignado (de 1 a 5). Picando sobre calquera número, tamén pode despregarse o resumo da fonte correspondente.
Preguntas relacionadas coa investigaciónNesta sección o asistente suxire outras preguntas relacionadas co tema que as persoas usuarias poden lanzar para atopar máis documentación:
Nova pregunta sobre o mesmo temaPodemos facer unha nova pregunta sobre o mesmo tema con outro enfoque ou para tratar outro aspecto. Cada pregunta que se fai xera unha resposta independente, o asistente non ofrece respostas encadeadas. Todas as preguntas sobre un tema se gardan no historial de busca (panel esquerdo).
Citar contido xerado pola IA, valoración, copiar, tentar de novoAs persoas usuarias poden seleccionar as seguintes opcións desta sección:
enlace ás guías da biblioteca con información sobre citación.
Historial de investigaciónO Asistente garda por defecto todas as preguntas que fagamos no Historial de investigación no panel esquerdo, e poderemos recuperalas premendo nelas.
Organízase da seguinte maneira:
A menos que se use a opción "Empece un tema novo", todas as preguntas dunha mesma sesión engadiranse a un único tema. O Historial mostra a primeira pregunta formulada e entre paréntese o número de preguntas sobre o mesmo tema:
Empece un tema novoEsta opción permite iniciar un novo tema de busca, cunha nova sesión que se engadirá ao historial de busca:
