Citar en estilo IEEE

Os documentos consultados e utilizados para a realización dun traballo deben quedar mencionados no mesmo para achegar rigor académico, axudar a quen le a atopar información, e non incorrer en plaxio. Coas citas bibliográficas realizamos unha breve mención, dentro do texto do traballo, ao documento ao que se fai referencia na bibliografía.

A cita no texto estará composta por un número entre corchetes. Este número remitirá ao que corresponda na lista de referencias completas ou bibliografía presentada ao final do traballo.

[No texto]

In 1984, Shamir [16] proposed a non-PKI based public key cryptosystem called Identity Based Encryption (IBE) where the novel idea was… […

[Na bibliografía ou lista de referencias]

[16] A. Shamir. “Identity-based cryptosystems and signature schemes,” in Adv. Cryptol., pp. 47–53, 1985.

1. As referencias deben estar numeradas na orde en que aparecen no documento.
2. Unha vez asignado un número a unha referencia dada, o mesmo número debe empregarse en todas as ocasións en que ese documento sexa citado no texto.
3. Cada número de referencia debe estar entre corchetes [ ], por exemplo, "...o fin da investigación [12]..."
4. Non é necesario mencionar ao/á autor/a na referencia a menos que sexa relevante no texto mesmo. 
5. No corpo do documento tampouco se mencionará a data de publicación.
6. Non é necesario incluír a palabra "referencia", por exemplo, "...na referencia [27]...": basta con indicar "...en [27]..."
7. Para citar máis dunha fonte á vez é preferible consignar cada unha delas cos seus propios corchetes, por exemplo, "como indican varios estudos [1], [3], [5]..." en lugar de "como indican diversos estudos [1, 3, 5]..."