Desde esta lapela temos acceso a varias ferramentas de referencia que permiten obter información de forma rápida e precisa. Son as seguintes: Diagnosaurus, probas de diagnose, guías prácticas para a atención primaria, 2 Minute Medicine, calculadoras e acrónimos.
Ferramenta que ofrece máis de 1.000 diagnósticos diferenciais e que permite filtrar a busca por síntoma, enfermidade ou por sistemas e especialidades.
Na columna central da pantalla hai unha barra para buscar directamente e tamén un índice A/Z para buscar alfabeticamente nas listaxes de termos indexados.
Trátase dunha guía que serve como referencia para escoller e interpretar as probas complementarias máis comúns na contorna clínica.
Son resumos concisos. As guías máis recentes para a detección, a prevención e o tratamento de enfermidades.
En cada un dos tres apartados nos que se estrutura a busca podedes atopar unha listaxe de guías, que se poden ler, escoitar, descargar en PDF, compartir etc. Ademais, tamén hai 9 apéndices.
Na páxina principal desta ferramenta tedes unha barra que permite facer procuras directamente no contido das guías.
Recolle casos sinópticos sobre investigación médica publicados polo grupo editorial 2 Minute Medicine en lingua inglesa co respaldo da Facultade de Medicina da Universidade de Harvard.
Podedes escoller o tema do voso interese no despregable.
Se contas cun perfil persoal, tes a opción de subscribirte para recibir avisos de novas incorporacións no teu correo electrónico.
Desde esta lapela de referencia rápida tamén se pode acceder a diferentes calculadoras: APACHE II, calcio corrixido, data probable po parto, risco de cardiopatía coronaria etc.
Este recurso permítevos consultar unha listaxe alfanumérica e alfabética de acrónimos. Indica a sigla, a correspondencia en inglés e o significado en castelán.
